Eljan Birtanovqa áýeli «iri kólemde bıýdjet qarjysyn talan-tarajǵa saldy» degen aıyp taǵylǵan. Keıinnen densaýlyq saqtaý mınıstrliginiń aqparattandyrý platformasyn jaramsyz bolsa da qabyldap, «iske qosqany úshin» de jaýap berýge tıis delindi. Al aıyptalýshy el Úkimeti men Bas prokýratýraǵa sheteldik kompanııa arqyly jasalǵan platforma jumysyna qatysty kelisim-sharttardy qaıta tekserý qajet dedi.
«Qazir bizdiń is týraly jańalyqtar halyqaralyq baspasózge shyǵyp jatyr. Sebebi ózimniń feısbýk paraqshamda bárin jarııaladym. Shvesııa men Qazaqstan arasyndaǵy kelisimshartqa qatysty, Erıkson kompanııasy týraly túrli-túrli aqparat shyǵyp jatyr. Men jarty jyl buryn, sot bastalmaı turyp Qazaqstan Úkimetine osyny tekserýdi usynǵan bolatynmyn», dedi aıyptalýshy Eljan Birtanov.
Aıta keteıik, burynǵy densaýlyq saqtaý mınıstri 2020 jyl kúdikke ilingen bolatyn. Tergeý eki jylǵa sozyldy.
