Bul jolǵy ereýilge úkimet músheleriniń bıýdjet shyǵynyn qysqartý týraly málimdemesi sebep bolǵan. Turǵyndar kúndelikti tutynatyn zattardyń qymbattap jatqanyn, al aılyq kóterilmeıtinin alǵa tartady. Argentınada ınflıasııa deńgeıi 58 prosentke artqan. Halyqtyń 30 prosentinde turaqty jumys joq. Adamdar negizinen járdemaqy esebinen kún kóredi.
«Bizge kúnde tamaq taýyp ishý muńǵa aınaldy. Aýyrsaq, dárigerge múlde qarala almaımyz. Bizdi qoıshy, kúni boıy ash-jalańash júretin balalarymyzǵa obal.» dep turǵyndar óziniń úkimetke narazylyǵyn bildirdi.
