Onyń aıtýynsha, talapkerlerdiń beınejazbalaryn qaıta tekserý barysynda ereje buzý faktileri anyqtalǵan.
«Sizder UBT-da óz bilimderińizben joǵary upaı jınasańyzdar, biz qatty qýanamyz. Biraq akademııalyq adaldyq qaǵıdalaryn saqtamaı, ońaı tapsyrý joldaryna júginetin talapkerler bar. Sondyqtan sizderge qýanyshty jańalyqty aıtar aldynda qosymsha tekseris júrgizýdi jón kórdik. О́kinishke qaraı, talapkerlerdiń beınejazbalaryn qaıta tekserý barysynda ereje buzý faktileri anyqtaldy. Tıisti sharalar qoldanyp, túlektiń upaıyn joıdyq.
Qurmetti talapkerler! О́zińizdi de, ózgelerdi de aldaýdyń qajeti joq. Eń durysy armandaryńyzǵa adal jolmen jetińizder. UBT-2022-de tereń biliminiń arqasynda 140 upaı jınaıtyn test tapsyrýshy tabylady dep senemiz. Ol dál SIZ bolýyńyz múmkin, biz SIZDI kútemiz!», dedi Emelbaev.
Sondaı-aq ol dál qazir 100-den asa joǵary upaı jınaǵan talapkerlerdiń beınejazbasy qosymsha tekseristen ótkizilip jatqanyn atap ótti.
