Álıhan Smaıylov óz sózinde Prezıdent usynǵan jańa reformalar aıasynda jáne ótken referendýmnyń nátıjeleri boıynsha elimizdiń saıası júıesinde mańyzdy ózgerister bolǵanyn atap ótti.
Máselen, jańa norma qabyldanyp, endi oblystardyń, respýblıkalyq mańyzy bar qalalardyń jáne astananyń ákimderin taǵaıyndaý jańa, ashyq jáne básekege qabiletti formatta ótedi.
Álıhan Smaıylov depýtattarǵa QR Prezıdentiniń Almaty oblysynyń ákimi laýazymyna Batyrjan Baıjumanov pen Marat Sultanǵazıevtiń kandıdatýralaryn qaraýǵa engizý týraly hatyn oqyp berdi.
Ashyq daýys berý nátıjesi boıynsha 188 depýtattyń 129-y Marat Sultanǵazıevtiń kandıdatýrasyna, 59 depýtat Batyrjan Baıjumanovqa daýys berdi.
Oblys aktıvine Marat Sultanǵazıevti tanystyra otyryp, Álıhan Smaıylov QR Prezıdenti óńir basshylyǵynyń aldyna birqatar mańyzdy mindetter qoıǵanyn, onyń ishinde oblystyń basqarý organdaryn Qonaev qalasyna kóshirý, odan ári ekonomıkalyq damý jáne áleýmettik problemalardy sheshý jónindegi mindetterdi belgilep bergenin atap ótti.
«Bizdiń negizgi maqsatymyz – azamattardyń ál-aýqatyn arttyrý, áleýmettik jaǵdaıyn jaqsartý. Ol úshin jańa ınvestısııalyq jobalardy iske asyrý arqyly jańa jumys oryndaryn ashý kerek. Oblys ákimi iri ınvestorlardy tartý úshin qolaıly jaǵdaılar jasaýǵa jáne qoldanystaǵy ındýstrııalyq aımaqtardyń áleýetin barynsha paıdalanýǵa erekshe nazar aýdarýy kerek», — dedi Premer-Mınıstr.
Sondaı-aq Úkimet basshysy óńirdiń aýmaqtyq ornalasý artyqshylyqtaryn barynsha paıdalanyp, aýyl sharýashylyǵy ónimderin óndirý men qaıta óńdeýdi damytý, Almaty mańynda azyq-túlik beldeýin qurý qajettigin atap ótti.
Sonymen qatar Álıhan Smaıylov oblystyń týrıstik klasterdi damytý áleýeti de joǵary ekenin atap ótti. Ol óńirdiń ekonomıkalyq ósýiniń negizgi draıverleriniń biri bola alady.
«Halyqty sapaly aýyz sýmen, tabıǵı gazben qamtamasyz etý, elektrmen jabdyqtaý, joldar men áleýmettik nysandardy jańǵyrtý, turǵyn úı problemalaryn sheshý jáne mektepterde úsh aýysymmen oqytýdy joıý jónindegi jumysty jalǵastyrýdyń mańyzy zor», — dedi Premer-Mınıstr. Sonymen qatar Úkimet basshysy jergilikti atqarýshy organdardyń jumysy halyqpen tıimdi dıalogqa negizdelýi tıis ekenin atap ótti.
