QMA elordalyq departamenti 2020-2021 jyldar aralyǵynda kóleńkeli ekonomıka salasynda aýyr qylmystar jasaǵan bir top tulǵany áshkereledi.
«Han Vıtalıı Vasılevıch basqarǵan qylmystyq top óz klıentterin bıýdjetke salyq tóleýden bosatý maqsatynda baqylaýdaǵy 7 zańdy tulǵanyń kontragentterine jalǵan shot-faktýralar jazyp bergen. Olar óz áreketterimen memleketke 490 mıllıon teńgeden astam somaǵa asa iri kólemde zııan keltirgen.
Sot basty aıyptalýshy Han Vıtalııge qatysty 4 jylǵa bas bostandyǵynan aıyrýǵa, al zańsyz aqsha jınaýmen aınalysqan eki adamdy shartty túrde bas bostandyǵynan aıyrýǵa úkim shyǵardy», delingen habarlamada.
QMA málimetinshe, úsh aıyptalýshyǵa da uzaq merzimge kommersııalyq uıymdarda basshylyq qyzmetterdi, onyń ishinde shot-faktýralardy berýge baılanysty laýazymdardy atqarýǵa tyıym salynǵan.
Tólenbegen salyqtar kameraldyq baqylaý jáne salyqtyq tekserý aıasynda barlyq kontragentterden óndirip alynatyny aıtyldy.
