«Qazaqstannyń densaýlyq saqtaý mınıstriniń buıryǵymen «S. J. Asfendııarov atyndaǵy Qazaq ulttyq medısına ýnıversıteti» KEAQ basqarmasyna jańa rektor taǵaıyndaldy. QazUMÝ-dy budan bylaı Marat Edigeuly Shoranov basqarady. Buıryq 2022 jyldyń 13 maýsymynda jarııalandy», delingen habarlamada.
Marat Shoranov 1975 jyly Almaty qalasynda dúnıege kelgen.
Qazaq memlekettik medısına ýnıversıtetin, B.O. Jarbosynov atyndaǵy Ýrologııa ǵylymı ortalyǵyn, Emorı ýnıversıtetin bitirgen.
2013-2017 jyldary QR Densaýlyq saqtaý mınıstrliginde, Densaýlyq saqtaý jáne áleýmettik damý mınıstrliginde basshylyq laýazymdarda jumys istedi.
2017-2019 jyldary - Shyǵys Qazaqstan oblysynyń Densaýlyq saqtaý basqarmasy basshysynyń mindetin atqarýshy, basshysy.
2019 jyly - Nur-Sultan qalasynyń Qoǵamdyq densaýlyq saqtaý basqarmasynyń basshysy.
2020 jylǵy maýsymnan bastap osy ýaqytqa deıin QR densaýlyq saqtaý birinshi vıse-mınıstri qyzmetin atqardy.
