Medısına • 14 Maýsym, 2022

Júrek ortalyǵyndaǵy aýtotransfýzııa sheberlik sabaǵy

21 ret kórsetildi

Úzdiksiz bilim alý jáne sheberlik sabaqtaryna qatysý Júrek ortalyǵy qyzmetkerleriniń jumysynyń mańyzdy bóligi. Jańa bilim men halyqaralyq tájirıbe sońǵy jetistiktermen qatar júrýge jáne otandyq medısınany damytýǵa múmkindik beredi. 7-8 maý­s­ymda atalǵan ortalyq qabyrǵasynda kezekti sheberlik sa­baǵy uıymdastyrylyp, qatysýshylarǵa aýtotransfýzııa júıesi usynyldy.

Aýtotransfýzııa (ATS) – pasıentke hırýrgııalyq aralasý ke­zinde jınalǵan jáne súzilgen óz qanyn quıý ádisi. Bul júıe do­nor­­lyq qanǵa qajettiligin azaıtady, pasıentti qalpyna keltirý ýa­qytyn jáne medısınalyq qyz­met­terge arnalǵan shyǵyn­dar­dy qysqartady.

Sheberlik sabaǵynyń eki kúni ishinde Júrek orta­lyǵynyń qyzmetkerleri LivaNova kom­pa­nııasynyń aýto­tran­sfý­zııa­lyq júıesimen tanysty. Oqý baǵ­dar­­lamasyna astanalyq jáne Almaty, Shymkent, Taraz, Qara­ǵan­dy qalalarynyń medı­sı­­na­lyq ortalyqtarynyń per­fý­zıo­­log dárigerleri, kardıo­hırýrg­­ter men anestezıologter qatysty.

«Jasandy qan aınalym appa­ra­­tynyń kómegimen ashyq júrekke operasııa jasaý kezinde qandy jıi quıý qajet. Aýtotransfýzııa ádisi operasııadan keıingi ınfek­sııa­l­ardyń, sonyń ishinde búırek jet­kiliksizdigi damýynyń qaý­­­pin azaıtady. Bul júıe kóp­te­­gen artyqshylyqty kórsetedi. Sondyqtan ony odan ári engizý qan ónimderin paıdalanýdyń dástúrli ádisterine aıtarlyqtaı áser etýi múmkin», dedi. Júrek ortalyǵynyń qosymsha qan aınalymy zerthanasy men ope­ra­sııa­lyq bólimsheniń meń­ge­rý­shisi Rymbaı Qalıev.

Qatysýshylar baǵdarlamanyń teorııalyq bólimimen, ǵylymı ma­qalalarymen jáne kardıo­hı­rýr­gııa salasyndaǵy aýtotran­s­fý­zııanyń artyqshylyqtarymen tanysty. Praktıkalyq bóliminde apparattyń jumys isteý prın­sı­pi tanystyryldy, onyń bary­synda qatysýshylar ózderin qy­zyq­tyrǵan suraqtaryn qoıdy.

«Eki kún ishinde biz júrek-ókpe hırýrgııasy salasyndaǵy sońǵy bilimmen bólisýge múmkindik al­dyq jáne kardıohırýrgtermen osy salada ne jaqsartýǵa bolatyny týraly belsendi pikirtalas ótkiz­dik. Biz Qazaqstannyń túkpir-túk­pirinen kelgen kóptegen per­fýz­ıo­logpen kezdesip, paıdaly tájirıbe aldyq. Júrek ortalyǵyna sheberlik saba­ǵyn uıymdastyrǵany jáne qonaq­jaı­lylyǵy úshin alǵys aıtamyn», dep bó­listi LivaNova kompanııasynyń ókili, klınıkalyq perfýzıolog Youssef El Dsouki.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar