Onyń aıtýynsha, jańa mınıstrliktiń basty baǵyttarynyń biri – ǵylymdy dáripteý.
«Qazir ǵylymdy qaıtadan tanymal, qyzyqty etý, ǵylymı mansaptan úlken mansaptyq tramplın jasaý óte mańyzdy. Búkil Marvel fılmderin qarasańyzdar: Brıýs Benner – Halk – ǵalym, Tonı Stark – ǵalym. Barlyq keıipkerler – ǵalymdar. Innovator retinde, álemdi jáne elimizdi alǵa jyljytyp, jaqsartatyn adam retinde ǵalym mártebesin qaıtarýymyz kerek», dedi Saıasat Nurbek Úkimet otyrysynan keıin BAQ ókilderine bergen suhbatynda.
О́z sózinde Ǵylym mınıstri Oqý-aǵartý mınıstri Ashat Aımaǵambetovtiń muǵalim mártebesin qaıtarǵanyn eske saldy.
«Dál osylaı ǵalymnyń mártebesine de nazar aýdartqymyz keledi. Ǵalym – bolashaǵy zor mansap. Ǵalymdar rasynda da álemdi ózgertedi. Jáne eń bastysy, ǵalymdar qoldanbaly formatta ekonomıkalyq jáne áleýmettik damýǵa, JIО́-niń ósýine jáne basqa faktorlarǵa áser etedi. Iаǵnı, ǵylym áleýmettik-ekonomıkalyq damýdyń seriktesi jáne kómekshisi retinde de mańyzdy», dedi Saıasat Nurbek.
