Áleýmettik ınfraqurylym turmysty jeńildetedi

«Bıyl 23 myńǵa jýyq halqy bar 11 aýyldy ortalyqtandyrylǵan aýyz sýmen jáne 39 aýyldy keshendi blok-modýldermen qamtý josparlanǵan. Aldymyzda Memleket basshysynyń 2025 jyly halyqtyń 100 %-yn sapaly aýyz sýmen qamtamasyz etý mindeti tur. Degenmen qabyldanyp jatqan shara­lar arqyly bul kórsetkishti 2023 jyly oryn­daýdy maqsat etip otyrmyz. Osy jyldyń sońyna deıin oblys turǵyn­da­rynyń 93,4%-y kógildir otynmen qam­ta­masyz etiledi», dedi oblys basshysy.

Byltyr Aqtóbe oblysynda 1,2 mln sharshy metr turǵyn úı paıdalanýǵa ber­ilse, bıyl jyl sońyna deıin 1,3 mln sharshy metr turǵyn úı beriledi dep josparlanǵan.

Osy jyly 580 shaqyrym jol jón­delip jatyr. Oǵan respýblıkalyq jáne jer­­gilikti bıýdjetten 34 mlrd teńge qaras­­tyrylsa, onyń 20 mlrd teńgesi jergi­­likti joldardy jóndeýge, al 14 mlrd teń­gesi aýyl-qala kóshelerin jóndeýge bólingen.

О́tken jyldan bastap mal azyǵyn sýbsıdııalaý jobasy qolǵa alyndy. Sonyń nátıjesinde byltyrǵy qýańshylyqta mal basyn saqtap qalýǵa múmkindik boldy. Qazirgi kezde sharýalar jem-shóp qoryn daıyndaýǵa iri qara basyna 30 myń, ár jylqy basyna 20 myń teńge qarjy alyp otyr. Sondaı-aq «Bıznestiń jol kartasy-2025» memlekettik baǵdarlamasy sheńberinde aýyl sharýashylyǵy qurylymdaryna, sonyń ishinde sharýa qojalyqtaryna gaz, sý qubyrlaryn tartý júıeli túrde qolǵa alyndy. Bıyl maıly daqyldar egistigi jáne kóltabandy sýarmaly sharýashylyqtar sany kóbeıtilip, mal bordaqylaý alańdary men et kombınattaryn salý josparlanyp otyr.

Brıfıngte jýrnalıster Aqtóbe temirqorytpa zaýytynyń aýaǵa shyǵa­rylatyn zııandy qaldyqtaryn azaıtý, Alǵa hımııa zaýytyndaǵy «tarıhı hı­mııalyq» qaldyqtardy kómý, Kókjı­de tushy sý qoryn saqtaý, Aqtóbe qala­syn­daǵy jaǵymsyz ıisti joıý, qaladaǵy káriz júıesin jańǵyrtý jumystary, toqtap qalǵan ózen arnalaryn keńeıtý jobasy týraly surady.

2017 jyly Aqtóbe qalasynyń tóńiregindegi 8 ózenniń arnasyn keńeıtý jumystary bastalyp, 2019 jyly jergilikti ekobelsendilerdiń talabymen toqtatylǵan bolatyn. Olar tazalaý jumystary sapasyz júrgizilgendikten, ózen arnalary tartylyp, jaǵalaýdaǵy bulaq kózderi kómilip qaldy degen talappen oblystyq prokýratýraǵa shaǵym túsirgen. Merdigerlerdi Elek, Qarǵaly ózenderiniń jaǵasynda ósip turǵan Qyzyl kitapqa engen aǵashtardy zańsyz kesip tas­tady dep aıyptady. О́ńir basshysynyń aıtýynsha, qazir osy jobaǵa túzetý engizilip jatyr. Keshegi sáýirdegi sý tasqyny kezinde arnalary keńeıtilgen jerlerde burynǵydaı jaǵalaýdaǵy úılerdi sý basý qaýpi tóngen joq. О́ńir basshysy kezinde jaǵalaýdy keńeıtý jobasyna úzildi-kesildi qarsy shyqqan  belsendilerdi sý basý qaýpi bar jerlerde turatyn jurtshylyqpen sóılesýge shaqyrdy.

Brıfıngte qańǵybas ıtterdiń 12 jastaǵy balany talap jazym etýine baılanysty qabyldanǵan sheshimder týraly surady. Jas balanyń ómiri­ne balta shapqan osy oqıǵada úlken­der­diń jaýapsyzdyǵy men zańnyń solqyl­daq­tyǵy, mamandardyń óz jumysyn durys atqarmaýy da sebepshi boldy. Mundaı oqıǵanyń endi qaıtalanbaýy úshin qazir barlyq jerde qańǵybas ıtter men mysyqtardan tazartý jumystary bastaldy.

Aqtóbe oblysy