Kezdesý jýyrda TDM (Turaqty damý maqsattary) boıynsha ekinshi óńirlik sammıt bastalǵan Almatyda ótti.
Qýantyrov Qazaqstanǵa álemdegi eń iri tólem júıeleriniń biri sanalatyn operatormen yntymaqtastyqty jolǵa qoıý óte mańyzdy ekenin atap ótti. Búgingi tańda amerıkalyq MasterCard korporasııasy Qazaqstanda belsendi jumys isteıdi jáne óz jumysyn odan ári keńeıtýdi josparlap otyr.
Taraptar shaǵyn jáne orta bıznesti damytý máselelerin talqylady. Atap aıtqanda, Bedır hanym halyqaralyq kompanııa bıznes sýbektileri arasynda seriktestik ornatatyn kobrendıngtik baǵdarlamalar týraly aıtyp berdi.
Sondaı-aq, Qazaqstandaǵy tólemderdi sıfrlandyrý týraly sóz qozǵaldy.
Qýantyrov atap ótkendeı, MasterCard keńinen qoldanatyn tehnologııalyq sheshimder kásipkerlerge bıznes-prosesterdi jedeldetýge kómektesedi.
Kezdesý qorytyndysy boıynsha taraptar yntymaqtastyqty nyǵaıtýǵa kelisip, ózara is-qımyldyń aldaǵy josparlaryn belgiledi.
