33 jastaǵy pavlodarlyq tanymal saıttarǵa zań boıynsha tegin keńes beretini týraly habarlandyrý jarııalaǵan. Aram oıyn iske asyrý úshin M.Júsip kóshesiniń birinen keńse jaldaǵan. Atalmysh jarnamany kórip, oblys ortalyǵynyń 62 jastaǵy turǵyny quqyqtyq kómekke júgingen.
Aldyna kelgen azamattyń senimine kirý úshin alaıaq er adamdy muqııat tyńdap, onymen 30 myń teńgege kelisim-shart jasasady. Ári qaraı, onyń máselesin oń sheship berýge ýáde etip, jumysty jedeldetý úshin advokat alý keregin aıtqan. Sol úshin taǵy 30 myń teńge suratqan.
«Advokatqa beremin degen somany jábirlenýshi tanystarynan qaryzǵa alǵan. Alaıda is sıyrquımyshaqtanyp, bir jylǵa sozylyp ketken. Árkez ótirik ýádemen toıdyryp kelgen «zańgerdiń» jumysyna kóńili tolmaǵasyn er adam quqyqtyq qorǵaýshylardyń kómegine júgingen», dep jazylǵan Pavlodar oblystyq PD baspasóz qyzmetiniń habarlamasynda.
Qazirgi ýaqytta alaıaqtyń 6 qylmysy anyqtalǵan. Aıyptalýshyǵa qatysty Qazaqstan Respýblıkasy Qylmystyq kodeksiniń 190-baby boıynsha sotqa deıingi tergeý júrgizilýde. Kúdikti qamaýǵa alyndy.
