Sanıtar mamandar buralqy ıtterdiń kóbeıýine baılanysty turǵyndarǵa saq bolý keregin eske salady. Sebebi qutyrma dertine shaldyǵý qaýipi bar. Alǵa aýdanynda mundaı bir derek tirkeldi. Osydan keıin mamandar tıisti jumystardy belsendi júrgize bastady.
«800-den astam adam ıt pen mysyqtan zardap shekken. Onyń basym bóligi 6-14 jas aralyǵyndaǵy balalar. Balalar dalada kóp oınaıdy. Keıde olar ata-ana baqylaýynsyz qalady. It-mysyqty ustap, oınaǵysy keledi. Sondyqtan belgisiz ıtter qapsa, álde jalaǵan bolatyn bolsa mindetti túrde birden dárigerge qaralý kerek», dedi oblystyq Canıtarııalyq-epıdemıologııalyq baqylaý departamenti basshysynyń orynbasary Muhtar Serbaev.
