«2021 jyl memlekettik josparlaý júıesiniń ózgerýimen este qaldy. Memlekettik baǵdarlamalardan ulttyq jobalarǵa kóshtik. Byltyr kúzden bastap Úkimet 10 Ulttyq jobany iske asyrýǵa kiristi. Onyń bárinde bıýdjettik qarjylandyrýǵa basymdyq berildi. О́kinishke qaraı, ol jospar oryndalmady. Jobalardyń 43 paıyzy jetkilikti qarjylandyrylǵan joq. Al eń negizgi máselelerdi tıimdi sheshý úshin tolyq kólemde qarjylandyrý qajet. Sondyqtan Ulttyq jobalardy túzetip, qarjylyq múmkindikterge sáıkestendirý kerek. Bilýimizshe, Úkimet bul jumysty bastap ta ketti», dedi Natalıa Godýnova Parlamenttiń birlesken otyrysynda.
Sondaı-aq ol Ulttyq jobalardyń ıgiligin halyqqa qalaı jyldam jetkizýge bolatynyn atady.
«Ulttyq jobalar iske asýy múmkindiginshe qysqa merzimge mejelenýi kerek. Sonda ǵana onda qarastyrylǵan sharalar bıznes pen halyqqa jyldam jetedi. Tıptik sheshimderden bólek, búkil el aýmaǵynda aımaqtarǵa baılanysty áleýmettik jáne ákimshilik nysandardyń 1 sharshy metrin salýǵa ketetin shyǵynnyń lımıtin bekitý qajet. Bul bólingen aqshaǵa kóbirek nysan salýǵa múmkindik beredi», dedi Esep komıtetitiń basshysy.
