Kezdesý barysynda Muhtar Qul-Muhammed Qazaqstan Soltústik Makedonııany Balqan óńirindegi mańyzdy saıası áriptes jáne dos el retinde qarastyratynyn atap ótti.
«Búgingi tańda bizdiń memleketterimizde saıası nemese ózge de qandaı da bir kelispeýshilikter joq, bul ekijaqty ózara is-qımylǵa qarqyn berýge qolaıly alǵysharttar jasaıdy. Qazaqstan saıası dıalogty damytýǵa, Soltústik Makedonııamen saýda-ekonomıkalyq jáne mádenı-gýmanıtarlyq yntymaqtastyqty arttyrýǵa múddeli, sondaı-aq Skopeniń Ortalyq Azııa men Eýrazııalyq ekonomıkalyq odaqta senimdi seriktesi bolýǵa daıyn», dedi Muhtar Qul-Muhammed.
Salı Lımanı óz kezeginde Muhtar Qul-Muhammedke jáne Parlament Senatynyń basshylyǵyna qabyldaǵany jáne elder arasyndaǵy ekijaqty yntymaqtastyq máselelerin talqylaýǵa múmkindik bergeni úshin alǵys aıtty.
Taraptar Qazaqstan men Soltústik Makedonııanyń ekijaqty qarym-qatynastary men halyqaralyq saıasattyń eń ózekti máseleleri boıynsha ortaq ustanymdaryn talqylady. Negizgi syrtqy saıası basymdyqtardyń uqsastyǵy, álemde bolyp jatqan irgeli prosesterdiń belsendi qatysýshylary bolýǵa degen umtylys Qazaqstan-Makedonııa qatynastaryn áriptestiktiń sapaly jańa deńgeıine shyǵarýǵa jaqsy negiz bolatyny atap ótildi.
