Qazaqstan elshisi Satybaldy Burshaqov «Keshet Teamim» sýpermarketinde uıymdastyrylǵan arnaıy prezentasııa kezinde Qazaqstan kámpıtteriniń elden tys jerlerde burynnan keńinen tanymal ekenin jáne kóp jyldan beri dástúrli túrde qazaqstandyq keń dastarhanyn bezendirip, ulttyq kádesyıǵa aınalǵanyn atap ótti.
«Better Choice» ızraıldik dıstrıbıýtorlyq kompanııasynyń dırektory Mıhaıl Goldshteın qazaqstandyq taýarlardy Izraılge deıin jetkizýdiń tolyq logıstıkalyq sıkli shamamen 30 kúndi quraıtynyn habarlady. Kompanııa ımporttalatyn taýarlar jelisin keńeıtýge jáne jaqyn arada makaron ónimderi men salqyndatylǵan sýsyndardy iri ızraıldik sýpermarketterdiń sórelerine jetkizýdi de uıymdastyrýǵa nıetti ekenin atap ótti.
M. Goldshteın Qazaqstannyń Tel-Avıvtegi elshiligine zerthanalyq prosedýralar úshin qazaqstandyq taýarlardyń úlgilerin alýǵa, sondaı-aq qazaq óndirýshilerimen kelisimsharttarǵa qol qoıýǵa kómek kórsetkeni úshin rızashylyǵyn bildirdi.
