Sheteldegi qazaq balalary atajurtta demalady

Jazǵy tildik lagerdiń qaty­sýshylarynyń alǵashqy legi – 31 bala. Olar Nazarbaev zııatkerlik mektebinde qazaq tilinde saýatty jazýǵa jáne oqýǵa úırenip, ultymyzdyń salt-dástúri, tarı­hy men mádenıetinen taǵy­lymdy dárister alyp, aýyz áde­bıetiniń jaýharlary – epostyq shyǵarmalardy tyńdaıdy. Sondaı-aq oqýshylar sabaqtan bos kezde Yurta park, Green land demalys oryndary men Tree Of Life akvaparkinde, «Kókjaılaý Aqtóbe» agrotý­rıstik kesheninde demalady. Aqtóbe oblysynyń tarıhı oryn­daryna ekskýrsııalar da uıymdastyryldy. Balalar Alǵa aýdanyndaǵy Eset Kókiuly kese­nesine, Qobda aýdanyndaǵy Abat Baıtaq memorıaldy keshenine, oblystyq tarıhı-ólketaný mýzeıine baryp, ótken zamannyń tarıhı oqıǵalary ótken jerleri týraly maǵlumat alady.

Jazǵy lagerde teorııalyq dáristerden ózge, ulttyq mýzyka, qolóner sabaqtary da jos­parǵa engizilgen. Bul jer­de Ahmet Jubanov atyndaǵy mýzyka kolledjiniń oqytý­shylary reseılik qazaq balala­ryna dombyra tartýdy úıretip qana qoımaı, kúı, terme janrlary týraly dárister oqıdy. Qolónershiler qazaqtyń ult­tyq buıymdarynyń jasalý erekshelikterin, Servıs kolledji oqytýshylary qazaqtyń ulttyq taǵamdaryn ázirleýdi úıretetin bolady.

О́ńir basshysy Ońdasyn Orazalınniń bastamasymen sheteldik qazaq balalary úshin tuńǵysh ret uıymdastyrylyp otyrǵan osy etnografııalyq-tildik lagerdiń baǵdarlamalary oqýshylarǵa óte paıdaly bolatynyna senim mol. Aqtóbe oblysy ákiminiń bastamasyn RF Orynbor qalasyndaǵy «Qazaq tili» ortalyǵynyń jetekshisi Sáýle Taıkeshova eń birinshi qoldap, balalardyń Aqtóbege kelýin uıymdastyrdy.

Aqtóbege balalarymen bir­ge kelgen ata-analar jaz­ǵy de­malystyń qyzyq­ty da maz­mundy etip uıym­dasty­rylǵanyn kórip, qýanyshtaryn jasyra almady.

Aqtóbe oblysy