«20 maýsymda Nıgerııada Interpoldyń Qazaqstan Respýblıkasy IIM-degi Ulttyq ortalyq bıýrosynyń suraýy boıynsha QR QK 259-babynyń 2-bóliginde kózdelgen qylmys (esirtki quraldaryn nemese psıhotroptyq zattardy zańsyz daıyndaý, qaıta óńdeý, satyp alý, saqtaý, tasymaldaý, jóneltý nemese ótkizý) jasaǵany úshin halyqaralyq izdeýde júrgen Adındo Nonso Fortýne ustaldy. Qazir ony qamaýda ustaý jáne Qazaqstanǵa odan ári ekstradısııalaý týraly, ári prosessýaldyq sheshim qabyldaý maqsatynda qajetti materıaldar Interpoldyń Nıgerııa UOB-na joldandy», delingen vedomstvo habarlamasynda.
Aqjarqyn Turlybaıdyń advokaty Suńqar Nurmaǵambet qorǵaýyndaǵy qazaqstandyqtyń Qytaıǵa saparyn uıymdastyrdy dep kúdikke ilingen nıgerııalyqtyń ustalǵanyn málimdegen edi.
Aıta ketsek, Qytaı Aqjarqyn Turlybaıdy Qazaqstanǵa qaıtarýdan bas tartyp otyr.
