Qazaqstan • 24 Maýsym, 2022

ArselorMıttal Temirtaýdaǵy apatqa jumys berýshi kináli - komıssııa

26 ret kórsetildi

Memlekettik komıssııa tórt jumysshy qaza tapqan «ArselorMıttal Temirtaý» AQ-daǵy jazataıym oqıǵanyń sebepterin atady. Oqıǵa jumys berýshiniń kinásinen bolǵany anyqtaldy, dep habarlaıdy Egemen.kz.

«Saraptamalyq uıymdar apatqa sebep bolýy múmkin aqaýlar men zaqymdanýlardy anyqtady. Sondaı-aq tapsyrys berýshi «Qurylysmet» pen merdiger «ArselorMıttal Temirtaý» qurylys-montajdaý jumystaryn júrgizý qaýipsizdigin qamtamasyz etpegeni belgili boldy. Jobalaý qujattamasy bekitilmegen. О́ndiris jobasy men peshti bólshekteýdiń tehnologııalyq kartasy saraptamalyq komıssııalardyń qaraýyna usynylmaǵan. Arnaıy tergeý qorytyndysy boıynsha komıssııa jumys berýshiniń júz paıyz kinásin anyqtady», dedi memlekettik komıssııa tóraǵasy.

Qaraǵandy oblysy boıynsha bas memlekettik eńbek ınspektory Irına Lıýbarskaıa óńirlik kommýnıkasııalar qyzmetinde ótken brıfıngide. Tergeý komıssııasyna jergilikti atqarýshy organdardyń, kásipodaqtyń, jumys berýshiniń ókilderi jáne saraptama uıymdary kirdi. Komıssııa eki aptaǵa jýyq ýaqyt ishinde oqıǵa ornyn tekserdi, tehnıkalyq jáne normatıvtik qujattardy zerttedi, qatysy bar adamdarmen, kýágerlermen suhbattasty.

Anyqtalǵanyndaı, jumysshylar jetkilikti dárejede bilikti, ıaǵnı 5 jáne 6-razrıadtary bolǵan. Biraq olar úsh kún qatarynan aýysymsyz demontaj jasaǵan. Qaıǵyly oqıǵa jóndeý jumysynyń aıaqtalýyna 25% qalǵanda, ıaǵnı sońǵy kúni bolǵan. Tergeý barysynda 32 adam suraýǵa alyndy. 14 kúdikti anyqtaldy, onyń ishinde basshylyq quram da bar. Endi materıaldardyń kóshirmeleri aýmaqtyq polısııa organyna jiberiledi.

Eske sala ketsek, 10 maýsymda «Qurylysmet» JShS («ArselorMıttal Temirtaý» AQ enshiles kásiporny) master-press sehynyń jumys istemeıtin №9 termııalyq peshinde otqa tózimdi qurylysty bólshekteý kezinde shatyr opyrylyp qulaǵan. Jóndeý sehynyń 5 jumysshysy úıindi astynda qaldy. Onyń tórteýi kóz jumyp, bireýi aýrýhanaǵa jetkizildi.

Sońǵy jańalyqtar

Uqsas jańalyqtar