Bilim • 24 Maýsym, 2022

Ashat Aımaǵambetov aýyl mektepteriniń balalarymen kezdesti

137 ret kórsetildi

IQanat respýblıkalyq oqýshylar sleti aıasynda Oqý-aǵartý mınıstri Ashat Aımaǵambetov aýyl mektepteriniń oqýshylarymen kezdesti, dep habarlaıdy Egemen.kz.

Kezdesý Nazarbaev ýnıversıtetinde ótip, onda 750 aýyl balasy jınaldy. Áńgime barysynda mártebeli qonaq balalardy IQanat respýblıkalyq sletine qatysýmen quttyqtap, olarmen mektepte oqýdyń mańyzdylyǵy jáne óz is-áreketteri men nátıjeleri úshin jaýapkershilik ala bilýleri týraly suhbat qurdy.

«Jaýapkershilikten qoryqpaý kerek. О́z basym adamdarda jaýapkershilik sııaqty sapaly qasıetterdi óte joǵary baǵalaımyn jáne qurmetteımin. Jaýapkershilik ártúrli bolýy múmkin, mindetti túrde aýqymdy dúnıege qatysty emes. Máselen bul jahandyq máselelerdi sheshý úshin keıipkerler Marsqa mıssııamen barǵan kezde bárimiz kınoda kóretin orasan zor jaýapkershilik qana emes. О́z is-áreketiń men qımyldaryń úshin jaýapkershilikti seziný – naǵyz keregi osy. Ádeptilik, qarapaıymdylyq, eńbekqorlyq, bir nárseni jaqsy jaqqa ózgertýge degen umtylys, tártip, durys sheshim qabyldaı bilý - jaýapkershiliktiń barlyq qyryna osylardy jatqyzýǵa bolady», dedi Ashat Aımaǵambetov.r

Sonymen qatar mınıstr barlyq aqparat qoljetimdi dáýirde qazirgi mektep oqýshylarynyń múmkindikteri óte kóp bolǵanymen, biraq sonymen birge olarǵa qoıylatyn talap ta aıryqsha ekenin atap ótti.

«Búginde bizdiń jas urpaqtyń elimizdiń jáne álemniń úzdik mektepterine, ozyq joǵary oqý oryndaryna túsý úshin kóptegen múmkindikteri bar. Mysaly, «Bolashaq» baǵdarlamasynyń arqasynda qazaqstandyqtar shetelde bilim ala alady. Sonymen qatar meniń oıymsha, qazirgi balalardyń maqsaty asqaq, kózdegeni bıik», dep pikirimen bólisti Oqý-aǵartý mınıstrliginiń basshysy.

Kezdesý barysynda respýblıkalyq sletke qatysýshylar mınıstrge óz suraqtaryn qoıdy. Máselen, Batys qazaqstan oblysy Qaratóbe aýylynyń oqýshysy Maǵjan Jylǵalı mınıstr aldynda qandaı maqsattar turǵanyn jáne olarǵa qol jetkizý jolynda qandaı qıyndyqtar bar ekenin surady.

«Bálkim meniń adamdar, maqsattar týraly túsinigimde qandaı da bir jahandyq murat joq shyǵar. Eń bastysy - adam bolyp qalý, óz aldyna, qoǵam aldynda, Otan aldynda adal bolý. Al maqsattarǵa qol jetkizý jolyndaǵy qıyndyqtar kún saıyn kezdesedi jáne olardy adam ózimen jáne óziniń keıbir ádetterimen jumys isteı otyryp, jeńe bilý kerek», dep jaýap berdi mınıstr.

Esterińizge sala keteıik, belgili qazaqstandyqtarmen yntalandyrý kezdesýleri - IQanat respýblıkalyq oqýshylar sleti baǵdarlamasynyń bir bóligi. Slet aıasynda balalar Olımpıadaǵa, trenıngterge, saıahattarǵa qatysty, al is-sharalar sońynda Balalar jylyna arnalǵan flesh-mob uıymdastyrady. Taıaýda sletke qatysýshylar «IQANAT bilim berý qory» QQ Qamqorshylyq keńesiniń tóraǵasy Aıdyn Rahymbaevpen kezdesip, jaýapkershilik pen qoǵamǵa qyzmet etý týraly áńgimelesti.

Sońǵy jańalyqtar

Uqsas jańalyqtar