Qoǵam • 24 Maýsym, 2022

«AMANAT» – 2022 medıa syılyǵynyń jeńimpazdary anyqtaldy

117 ret kórsetildi

Buqaralyq aqparat quraldary qyzmetkerleri kúni qarsańynda «AMANAT» partııasy jýrnalıster arasyndaǵy «AMANAT» – 2022 Medıa syılyǵy» respýblıkalyq baıqaýynyń qorytyndysyn jarııalady, dep habarlaıdy Egemen.kz.

Saltanatty rásim barysynda partııanyń Atqarýshy hatshysy Ashat Oralov bul medıa syılyqtyń 10 jyldan astam tarıhy bar ekenin atap ótti. Bıyl jańa formatta uıymdastyrylǵan baıqaý janrlyq sıpattan taqyryptyq baǵytqa aýysyp, qosymsha Ahmet Baıtursynov atyndaǵy «Sóz zergeri» jáne Sherhan Murtaza men Kamal Smaılov atyndaǵy «Televızııa úzdigi» arnaıy syılyqtary  engizildi.

«AMANAT» medıa syılyǵy –  halyqtyń úzdik jýrnalısterge bildirgen alǵysy. Sebebi jýrnalıst – halyq únin jetkizetin, memleket múddesi úshin kúresetin tulǵa. Osy saltanatty keshke úzdikterdiń úzdigin anyqtaý úshin jınalyp otyrmyz. Meniń oıymsha, jýrnalıst degen mamandyqty tańdaýdyń ózi úzdik bolý. Elimizde Prezıdent Qasym-Jomart Toqaevtyń jetekshiligimen óte úlken, tarıhı ózgerister júrip jatyr. Onyń mán-mazmunyn halyqqa jetkizý isi úlken jaýapkershilikti, asa zor sheberlik pen kásibılikti talap etedi. Bul mindetti sizder óte joǵary deńgeıde atqaryp kelesizder. Baıqaý Jańa Qazaqstandy qurý isinde elimizdiń aqparattyq keńistigin kúsheıtýge yqpal eteri sózsiz», dedi Ashat Oralov.pr

Baıqaý komıssııasynyń tóraǵasy, belgili jýrnalıst, aqyn, «AMANAT» partııasynan saılanǵan Májilis depýtaty Janarbek Áshimjannyń aıtýynsha, bıyl qazylar alqasyna 260-tan astam ótinim joldanǵan.

«Bıyl kelip túsken jumystardyń 70%-dan astamy tek aımaqtyq buqaralyq aqparat quraldarynan, ıaǵnı óńirlerden joldanǵany qýantty. Jas jýrnalıster de belsendilik tanytty. Iаǵnı, otandyq jýrnalıstıkada qalamy tóselgen metrlermen qatar jas mamandardyń tarapynan da úlken qyzyǵýshylyqty baıqadyq. Árıne, bul baıqaý olardyń shyǵarmashylyq sheberligin shyńdaı túseri anyq. «AMANAT» medıa syılyǵynyń basty maqsaty da sol», dep atap ótti Janarbek Áshimjan.

Sonymen, baıqaý komıssııanyń sheshimimen «AMANAT» – 2022 MEDIA SYILYǴYNYŃ jeńimpaz bolyp:

«Jańa Qazaqstandy» qurý týraly úzdik materıal» nomınasııasy boıynsha – «KTK» telearnasynyń tilshisi Asqarbek Qazanǵap;

«Áleýmettik máselege arnalǵan úzdik materıal» nomınasııasy boıynsha – «Prıkaspııskaıa kommýna» qoǵamdyq-saıası gazetiniń aǵa tilshisi Anjela Lı;

«Aımaq týraly úzdik materıal» nomınasııasy boıynsha – «Habar24» telearnasynyń Aqmola oblysy boıynsha tilshisi Damır Shaıdarov;

«Jastar týraly úzdik materıal» nomınasııasy boıynsha – «Dalanews.kz» aqparattyq agenttiktiń Abaı oblysyndaǵy tilshisi Qýanysh Smaǵulov;

«Rýhanı-mádenı damýǵa arnalǵan úzdik materıal» nomınasııasy boıynsha – «Habar» telearnasynyń tilshisi Indıra Jylqaıdarova;

«Memlekettik rámizderiniń 30 jyldyǵy týraly úzdik materıal» nomınasııasy boıynsha – Jańaqorǵan aýdandyq «Jańaqorǵan tynysy» gazetiniń tilshisi Álibek Jaryqbaev;

«AMANAT» partııasynyń transformasııasy týraly úzdik materıal» nomınasııasy boıynsha – QR Prezıdenti Teleradıokesheniniń rejısseri Vadım Shırıaev marapattaldy.p

Arnaıy syılyqtardyń ıegerleri:

Ahmet Baıtursynov atyndaǵy «Sóz zergeri» syılyǵy – «Egemen Qazaqstan»  respýblıkalyq gazetiniń Túrkistan oblysy boıynsha tilshisi Ǵalymjan Elshibaı;

Sherhan Murtaza men Kamal Smaıylov atyndaǵy «Televızııa úzdigi» syılyǵy – «Qazaqstan» ulttyq telearnasynyń aqparattyq-saraptamalyq baǵdarlamalar dıreksııasynyń basshysy Jalǵas Altaev;

«Belsendi azamattyq ustanymy úshin» syılyǵy – bloger, motıvasııalyq kitaptardyń avtory, telejúrgizýshi Dáýlet Muqaevqa berildi.

О́z kezeginde, baıqaý jeńimpazdarynyń biri Indıra Jylqaıdarova jańǵyrý jolyna túsken «AMANAT» partııasynyń medıa syılyǵyna ıe bolý úlken mártebe ekenin atap ótti.

«AMANAT» – eldiń senimin, amanatyn arqalaǵan partııa. Búgin meniń Muqaǵalı Maqataevtyń 91 jyldyǵy týraly jasaǵan beınematerıalym elenip jatyr. Bizder, ıaǵnı jýrnalıstter qaýymy, «AMANAT» partııasy da eldiń ıgiligi, qoǵamnyń damýy jolynda qyzmet etip júrmiz. El qamy úshin eńbek ete berińizder», dedi ol.

О́ziniń júrekjardy lebizimen «Jańaqorǵan tynysy» gazetiniń tilshisi Álibek Jaryqbaev ta bólisti. «Osyndaı úlken báıgeniń júldesi buıyrady dep kútpedim. Aýdandyq gazette jumys istep júrip, respýblıkalyq baıqaýdyń jeńimpazy bolý, bizderge shalqar shabyt syılap, shyǵarmashylyǵymyzdy shyńdaı túsedi. «AMANAT» partııasynyń senimin arqaladyq, endi osy joldan taımaı, ultqa qyzmet etýdi jalǵastyramyz», dedi jýrnalıst.

Sońǵy jańalyqtar

Uqsas jańalyqtar