Kásipqoı boks • 27 Maýsym, 2022

«Kanelo»: Golovkındi nokaýtpen jeńemin

13 ret kórsetildi

Tórt salmaq dárejesindegi álem chempıony jáne «pound-for-pound» reıtıngisiniń burynǵy kóshbasshysy meksıkalyq Saýl «Kanelo» Alvares Gennadıı Golovkınmen úshinshi aıqasy nokaýtpen aıaqtalady degen boljam jasady, dep habarlaıdy Egemen.kz Sports.kz saıtyna silteme jasap.

«Bizdi jaqsy jekpe-jek kútip tur. Golovkın – keremet jáne qaýipti qarsylas. Biraq, men ony nokaýtqa jiberemin dep oılaımyn, buǵan esh kúmán joq. Oǵan yntam zor. Rıngke oralatyn kúndi asyǵa kútip júrmin. Bar kúshimdi salyp jattyǵyp jatyrmyn», dedi Saýl Alvares jýrnalıstermen kezdesýde.

Eske sala ketsek, Saýl Alvares pen Gennadıı Golovkınniń birinshi aıqasy 2017 jyly ótip, teń nátıjemen aıaqtalǵan edi.

2018 jylǵy ekinshi kezdesýde tóreshilerdiń basym daýysymen meksıkalyq boksshy jeńiske jetti.

Endi úshinshi jekpe-jek 18 qyrkúıekte Las-Vegas qalasynda ótetin bolady.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar