Foto: Ashyq derekkózden
Saýda jáne ıntegrasııa birinshi vıse-mınıstri Aıjan Bıjanovanyń aıtýynsha, jyl basynan beri 2 myńnan astam elektrondy shot-faktýrany taldaý nátıjesinde áleýmettik mańyzy bar azyq-túlik taýarlaryna saýda ústemesin qoldaný talaptaryn buzý boıynsha 631 derek anyqtalǵan. Tek aqpan aıynyń ózinde elektrondy shot-faktýralar boıynsha 760-tan astam táýekel tirkelgen.
Dárigerler JI kómegimen ınsýlt pen onkologııalyq aýrýlardy erte anyqtap jatyr
«Qazir biz jasandy ıntellekt kómegimen saýda ústemesiniń shekti mólsherden asýy faktilerin ǵana emes, áleýmettik mańyzy bar azyq-túlik ónimderi boıynsha jasalatyn saýda mámileleriniń sanyn da taldap otyrmyz. Máselen, eger bir kún ishinde bir taýar boıynsha birneshe mámile jasalsa, olardyń jalǵan bolý yqtımaldyǵy joǵary. Naýryz aıynyń alǵashqy jartysynyń ózinde tıimsiz deldaldarǵa qatysty 56 ákimshilik is tirkelip, tıisti memlekettik organdarǵa joldandy», dedi Aıjan Bıjanova.
Jalpy alǵanda, naýryz aıynyń basynan beri áleýmettik mańyzy bar azyq-túlik taýarlary baǵasynyń ortasha ósý ındeksi – 0,2% boldy. Bul ótken jyldyń osy kezeńindegi kórsetkishten tómen.
Saýda jáne ıntegrasııa mınıstrligi sút ónimderiniń baǵasyn turaqtandyrý maqsatynda Tabıǵı monopolııalardy retteý komıteti, Azyq-túlik korporasııasy, Aýyl sharýashylyǵy mınıstrligi jáne Qazaqstan Temirjoly ulttyq kompanııasymen birlesip, salany qoldaýǵa baǵyttalǵan keshendi sharalardy pysyqtap jatyr. Kókónis baǵasynyń maýsymdyq ósýin tejeý úshin erte pisetin ónimderdi ımporttaýǵa arnalǵan «jasyl dáliz» engizilgen. Sonymen qatar olardy kedendik bajsyz ákelý múmkindigi de qarastyrylyp jatyr.
Qazaqstanda JI-di damytýǵa arnalǵan 200-den astam dataset ashyldy
Sondaı-aq Naýryz merekesine oraı respýblıka boıynsha 200-den astam jármeńke ótkizý josparlanǵan. Sonymen qatar 13-23 naýryz aralyǵynda saýda úıleri men saýda ortalyqtarynda Nauryz Sale aksııasy uıymdastyrylyp jatyr.
Jıynda Almaty oblysyndaǵy azyq-túlik ınflıasııasynyń jaǵdaıy qaraldy. Bul óńir baǵa ósimi boıynsha aımaqtar arasynda tórtinshi orynda tur. Munda 21 taýar pozısııasy boıynsha baǵa ósken, onyń 18-i boıynsha kórsetkish eldegi ortasha deńgeıden joǵary.
Vıse-premer Serik Jumanǵarın Almaty oblysy ákimi orynbasarynyń baǵany turaqtandyrý boıynsha qabyldanyp jatqan sharalar men usynystaryn tyńdady. Ol azyq-túlik ınflıasııasyn turaqtandyrý eń aldymen óńirlerdiń júıeli ári naqty jumysyna baılanysty ekenin atap ótti. О́ńirler jergilikti óndirýshilermen jáne jetkizýshilermen tyǵyz baılanysta jumys istep, týyndaǵan máselelerdi jedel sheshý arqyly halyq úshin baǵanyń turaqtylyǵyn qamtamasyz etýi tıis ekenin aıtty.
