Málimdemede kórsetilgendeı, bul tarıhı qadam memleketimizdiń jańǵyrý jolyndaǵy mańyzdy belesi bolyp sanalady jáne qoǵamdaǵy demokratııalyq qundylyqtardy nyǵaıtýǵa, azamattardyń quqyqtary men bostandyqtaryn qorǵaýǵa baǵyttalǵan.
Partııa tóraǵasy Serik Egizbaev óz sózinde bul tańdaýdyń mánine toqtalyp:
«Keshegi referendým – Qazaqstan halqynyń óz bolashaǵyna degen bıik jaýapkershiligi men saıası kemeldigin kórsetti. Biz bul tańdaýdy Memleket basshysy Qasym-Jomart Toqaevtyń reformatorlyq baǵytyna degen shynaıy halyqtyq senim dep bilemiz. «Aýyl» partııasy úshin bul tek saıası qujat emes, bul – jańa qoǵamdyq kelisim. Biz jańarǵan saıası júıede, jańa talaptar jaǵdaıynda el múddesi úshin aıanbaı qyzmet etýge, aýyl eńbekkerleri men qatardaǵy azamattardyń quqyǵyn qorǵaýǵa tolyq daıynbyz», dep málimdedi.
«Aýyl» partııasy qabyldanǵan jańa Ata zańdy «Naǵyz Halyqtyq Konstıtýsııa» dep baǵalaı otyryp, onyń partııalyq júıege júkteıtin jaýapkershiligin tereń sezinetinin jetkizdi.
«Baıtaq» partııasynyń tóraǵasy: Konstıtýsııa elimizdiń damýyna berik quqyqtyq irgetas qalady
Málimdemede atap ótilgendeı, referendým qorytyndysy Prezıdenttiń reformalyq bastamalaryna halyqtyń kórsetken naqty qoldaýy men aıqyn seniminiń aıǵaǵy.
Partııanyń Saıası keńesi Prezıdıýmy halyq tańdaǵan jańa Konstıtýsııa Qazaqstannyń búgini men bolashaǵyna qaltqysyz qyzmet etetinine kámil senetinin atap kórsetti.
