Tennıs • 27 Maýsym, 2022

Jas tennısshiler ITF týrnırinde júldeli boldy

17 ret kórsetildi

Almatynyń SSKA tennıs ortalyǵynda 18 jasqa deıingiler arasynda úshinshi sanattaǵy ITF týrnıri aıaqtaldy, dep habarlaıdy Egemen.kz.

Qazaqstan tennıs federasııasy málim etkendeı, kún jańbyrly bolǵandyqtan, qazaqstandyq tennısshiler arasynda ótken juptyq syndaǵy fınal hard tóselgen jabyq alańǵa aýystyryldy.

Onda Asyljan Arystanbekova men Aııa Nupbaı otandastary Erkejan Arystanbekova men Dana Baıdáýletti 6:3, 6:2 esebimen utty. Osylaısha, A.Arystanbekova A.Nupbaımen birge ITF Juniors jarystaryndaǵy besinshi tıtýlyna qol jetkizdi.

Jekeleı synda Dana Baıdáýlet sońǵy básekede reseılik Valerııa Gynınaǵa ese jiberip, 4:6, 1:6 esebimen jeńildi.

Bozbalalar arasynda aýstrııalyq Pol Ýorren tartysty fınalda reseılik Grıgorıı Shebekındi tize búktirdi. Esep - 7:6 (7:2), 3:6, 6:3.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar