«Medıa men memleket ózara tyǵyz ári mańyzdy uǵym ekenin jaqsy bilemiz. Aqparat quraldaryn alǵa shyǵaryp, jan-jaqty damytý qoǵamnyń ósip-órkendeýine jol ashady. Buny álemdik prosesten kórip otyrmyz. Qazaqstan da bul damý dınamıkasynan qalyp qoıǵan joq. Otandyq medıa-ındýstrııa qarqyndy jáne sapaly damý ústinde. Búgingi tańda elimizde 5 myńnan astam BAQ tirkelgen jáne jyl saıyn olardyń sanynyń belsendi artyp jatqany baıqalady», dedi mınıstr.
Onyń atap ótýinshe, buqaralyq aqparat quraldarynyń sanymen birge taralý aýmaǵy da ulǵaıyp otyr. Iаǵnı ózge tilde shyǵatyn basylymdar belgili bir etnostar turatyn aımaqtarda ǵana emes, tutastaı respýblıkaǵa keńinen taralyp jatyr.
«Desek te, Qazaqstan Respýblıkasynyń BAQ týraly Zańyna sáıkes buqaralyq aqparat quralynyń ónimin shyǵarý, taratýdy toqtata turý nemese toqtatý menshik ıesiniń nemese sottyń sheshimi boıynsha júzege asady. Zańnyń bul tarmaǵy BAQ-tyń ınstıtýsıonaldyq qorǵalýynyń aıtarlyqtaı joǵary dárejesin kórsetedi», dedi Asqar Omarov.
Aıana Toǵanbek
