«Samuryq-Qazyna» barlyq qazaqstandyq úshin IPO-ny qoljetimdi etip, bólshek jáne ınstıtýsıonaldyq ınvestorlardy barynsha kóp qamtýdy josparlap otyrǵanyn málimdedi.
Buǵan deıin Prezıdent Qasym-Jomart Toqaev ulttyq kompanııalardy IPO-ǵa shyǵarý jumystaryn mańyzdy mindet retinde ataǵan bolatyn. Memleket basshysy «Samuryq-Qazyna» aksıonerlik qoǵamy men onyń ulttyq kompanııalarynyń rólin mysalǵa keltirdi.
«Elimizdiń qarapaıym azamattary Ulttyq kompanııalardyń aksııalaryn ıelenýge jáne salymdarynan óz dıvıdentterin alýǵa múmkindigi bolýǵa tıis. Dál osyndaı jolmen halyqtyń ınvestısııalyq mádenıeti qalyptasady. IPO-ǵa qatysý Qazaqstannyń barlyq turǵyny úshin qoljetimdi bolýy qajet. Ol úshin qaǵazbastylyq pen bıýrokratııany boldyrmaıtyn jańa sıfrlyq sheshimder kerek», dedi Q.Toqaev.
