Katonqaraǵaı – túrli dinder men nanymdardyń, ótkenimiz ben búginimizdiń, ártúrli etnostar men dástúrlerdiń úılesimdi ómir súretin biregeı meken. Festıval úsh negizgi erekshe baǵyt boıynsha ótedi:
BALKARAGAI TUNES ETHNO (WORLD MUSIC)
Dástúrli ulttyq jáne tanymal mýzykany folklor elementterimen biriktiretin zamanaýı mýzykanyń mańyzdy baǵyttarynyń biri.
BALKARAGAI TUNES CLASSIC (klassıkalyq mýzyka)
Álemdik mýzykalyq ıdeıanyń úzdik jetistikteri – sapany, zııatkerlikti, sulýlyq pen qundylyqty beıneleıdi.
BALKARAGAI TUNES FOLK (dástúrli mýzyka jáne folklor)
Túrki áleminiń ǵasyrlyq mýzykalyq jáne poetıkalyq dástúrleri, ár ǵasyr sheberleriniń kemeńger týyndylary oryndalady.
Is-shara aıasynda balalar men jas mýzykanttarǵa arnalǵan sheberlik synyptary, shyǵarmashylyq kezdesýler, etnıkalyq kıimder men ulttyq kostıýmderdiń kórsetilimderi josparlanyp otyr.
Etnofestıvaldiń Qazaqstannyń eń kórikti jerleriniń biri – Katonqaraǵaı aýdanynda ótetini kezdeısoq emes. Túrki áleminiń besigi sanalatyn Uly Altaıdyń ońtústik bóliginde ornalasqan, Qazaqstannyń kıeli kartasynda ózindik orny bar Katonqaraǵaı óziniń ejelgi tabıǵı sulýlyǵyn saqtap qalǵan kıeli meken.
Festıval aıasynda kóne «bata» rásimi ótedi, onda mýzykanttar qasıetti Katonqaraǵaı jerinen bata alyp, balqaraǵaı otyrǵyzyp, sol arqyly ólkeniń rýhanı ári tabıǵı sulýlyǵyna óz úlesterin qosady.
