Úzdikter anyqtaldy

Memlekettik qyzmettiń bedelin nyǵaı­typ, memlekettik qyzmet­shiler­diń bolmysyn nasıhattaýǵa ári yntalandyrýǵa baǵyttalǵan kon­kýrs jyl saıyn ótkiziledi. «Bıyl­ǵy báseke erekshe boldy», deıdi uıymdastyrýshylar. Mara­pat­taý is-sharasy memlekettik tilde ótki­zi­lip, jyldaǵy «dástúrdi» artqa tastady. Memlekettik qyz­met isteri agenttiginiń tóraǵasy Darhan Ja­zyq­baev memlekettik qyzmet salasyndaǵy jańa syn-te­geýrinderdi sheshýde memlekettik qyz­metshiniń mıssııasy asa zor eke­nin atap ótti. «Basty ustanym – adal nıetpen elge qyzmet etý bolýy kerek. Osy baǵytta sanaly túr­de jańǵyrý qajet. Memlekettik qyz­met­shige azamattyq sana, eldik sana, mem­le­ketshildik sana basty qun­dy­lyq bolýǵa tıis», dedi D.Jazyq­baev. Sonymen qatar ol mem­le­ket­tik qyzmetke kirgende qabyl­da­na­tyn anttyń mańyzdylyǵyn atap ótti.

«Memlekettik qyzmetke kirgende ant berýdiń maǵynasy óte zor. Bul ádettegi formaldy túrde oryndalatyn is-shara bolyp qal­maýy kerek. Ol úlken jaýap­ker­shilikti ózińniń ar-ojdanyńmen jarııa túrde qabyl alýdy bildiredi. Onyń suraýy da úlken. Árbir mem­lekettik qyzmetshi osyny erekshe es­kerýi kerek. Antqa berik bolý – adam boıyndaǵy qasıetterdiń úlken kórinisi. Antty buzbaý, ant­ty attamaý – bizdiń halyq aldyndaǵy basty paryzymyz», dedi agenttik tóraǵasy.

Baıqaý jeńimpazdaryn Arda­ger­ler uıymynyń tóraǵasy Baqty­qoja Izmuhambetov, Senat depýtaty Nurtóre Júsip, memlekettik qyzmet salasyndaǵy qoǵamdyq keńestiń músheleri Mırbolat Jaqypov pen Anas Baqqojaev marapattady. Bıylǵy konkýrs­qa 714 memlekettik qyzmetshi qatysqan. Olardyń qatarynda Qostanaı oblysy Sarykól aýdany ákimdiginiń bólim basshysy­nyń orynbasary Arman Vılıamov, Almaty qalasy boıynsha Mem­lekettik kirister departamenti basqarmasynyń basshysy Aıjan Bekeeva, Almaty oblysy Eskeldi aýdanynyń ákimi Álı Rýstam, Nur-Sultan qalasy Bas kólik prokýrorynyń aǵa kómekshisi Artýr Baımahanov, Pavlodar oblysy Jer qoınaýyn paıdalaný, qorshaǵan orta jáne sý resýrstary basqarmasynyń bas mamany Mıras Jumadilov, Medı­sı­na­lyq qyzmetter kóle­min bol­jaý jáne jos­parlaý basqarmasynyń basshysy Ǵazız Saǵıt­uly, Aqmola oblysy Qosshy qalasynyń bólim basshysy Aınagúl Qonbaı, Qostanaı oblysy ákimdiginiń basqarma bas mamany Aıda Bajırova, Aqtóbe oblysy ákimdiginiń bólim basshysy Raslana Salmanova, Aqtóbe oblysy ákimdiginiń bólim basshysy Almat Mahaı úzdik dep tanyldy. Al baıqaýǵa belsendi qatysqan jáne memlekettik qyzmettiń oń ımıdjin qalyptastyrýǵa úles qosqan memlekettik qyzmetshilerge agenttik tóraǵasynyń Alǵyshaty men Gramotasy tabystaldy.

Sondaı-aq Memlekettik qyz­met ardageri Ersultan Bekturǵanov pen Agenttiktiń memlekettik qyz­met salasyndaǵy baqylaý de­par­tamentiniń dırektory Erlan Saparov «Úzdik memlekettik qyzmetshi» tósbelgisin taqty. Ortalyq jáne jergilikti organdar arasyndaǵy yqpaldastyq­tyń nyǵaıýyna qosqan úlesi úshin agenttiktiń birqatar qyzmet­shisi Nur-Sultan qalasy ákiminiń Alǵys­­hatymen marapattaldy.

Saltanatty is-shara kópshilik aldynda sóıleý, ımıdjmeıkıng, áleýmettik jelilerdi júrgizý bo­ıynsha semınar-trenıngter men joǵary laýazymdy memlekettik qyzmetshilerdiń qalyptasýy týraly sessııalarmen jalǵasty. Buǵan qosa memlekettik qyzmetshilerdiń ıntellektýaldyq bilimin shyńdaý maqsatynda memlekettik organdar arasynda alǵash ret «Ne? Qaıda? Qashan?» oıyny ótkizildi.