Qoǵam • 29 Maýsym, 2022

Jyl basynan beri 51,4 myń adamǵa áleýmettik tólem tólendi

23 ret kórsetildi

1 maýsymdaǵy jaǵdaı boıynsha Memlekettik áleýmettik saqtandyrý qorynan jumysynan aıyrylýyna baılanysty 51,4 myń adamǵa áleýmettik tólem tólendi, dep habarlaıdy Egemen.kz Eńbek jáne halyqty áleýmettik qorǵaý mınıstrligine silteme jasap. 

Qoldanystaǵy zańnamaǵa sáıkes jumystan bosatylǵan qyzmetkerler mindetti áleýmettik saqtandyrý júıesine qatysý ótiline jáne sońǵy 24 aıdaǵy tabysyna baılanysty 1 aıdan 6 aıǵa deıin jumysynan aıyrylýy boıynsha áleýmettik tólemder alady. Tólem qyzmetker joǵaltqan tabystyń 40% - na deıingi mólsherde MÁSQ qarajaty esebinen júzege asyrylady.

Jumystan bosatylǵan qyzmetkerge tólem taǵaıyndaý úshin:

- eGov.kz portalynda tirkelý;

- «Jumysqa ornalastyrý jáne jumyspen qamtý» bóliminde «Jumys izdep júrgen adamdardy tirkeý» qyzmetin tańdaý;

- onlaın qyzmetke tapsyrys berip, barlyq joldardy toltyrý jáne ESQ-men qol qoıý arqyly ótinimdi jiberý qajet;

- bir kún ishinde ótinish berýshiniń turǵylyqty jeri boıynsha jumyspen qamtý ortalyǵy bos jumys oryndaryn usynady;

- eger jumys tabylmasa, 3 kún ishinde qashyqtan jumyssyz mártebesi beriledi.

Bul qyzmetti onlaın rejımde Elektrondyq eńbek bırjasy (enbek.kz) arqyly da alýǵa bolady.

Azamat jumyssyz retinde tirkelgen soń Eńbek jáne halyqty áleýmettik qorǵaý mınıstrliginiń aqparattyq júıesi proaktıvti formatta MÁSQ-tan tólem taǵaıyndaý boıynsha qyzmet kórsetýge kelisim berý úshin uıaly telefonǵa SMS-habarlama jiberedi. Kelisken jaǵdaıda SMS-habarlamaǵa jaýap berý qajet. Tólem avtomatty túrde taǵaıyndalady.

Eske sala keteıik, MÁSQ qarajaty esebinen jumysynan aıyrylǵan jaǵdaıda tólenetin áleýmettik tólem jumystan bosatylý sebepterine qaramastan júzege asyrylady jáne jumyssyz adam jumys izdep júrgen kezeńde ony qoldaýǵa arnalǵan.

Sońǵy jańalyqtar

«Bir juldyz bolyp qalam men»

Rýhanııat • Keshe

Kenııanyń kóz jasy

Ádebıet • Keshe

Zaýyt súzgileri aýystyryldy

Qazaqstan • Keshe

Arystanmen arbasý

О́ner • Keshe

Dollar qymbattady

Ekonomıka • Keshe

Uqsas jańalyqtar