Qoǵam • 29 Maýsym, 2022

Almatynyń densaýlyq saqtaý júıesin damytýǵa 242,1 mlrd teńge bólindi

20 ret kórsetildi

Medısınalyq saqtandyrý engizilgennen beri Almaty qalasy densaýlyq saqtaý salasynyń bıýdjeti edáýir artqan. Bul týraly «Áleýmettik medısınalyq saqtandyrý qory» KEAQ Almaty fılıaly dırektory Tileýhan Ábildaev aıtty, dep habarlaıdy Egemen.kz.

«MÁMS engizilgennen beri Almaty qalasynyń densaýlyq saqtaý bıýdjeti edáýir artty. 2022 jylǵa naqtylanǵan bıýdjet 242,1 mlrd teńgeni qurady, bul ótken jylmen salystyrǵanda 17,3%-ǵa artyq. Onyń 135,1 mlrd teńgesi – tegin medısınalyq kómek paketine, 107,0 mlrd teńgesi – MÁMS paketine tıesili», deıdi Tileýhan Ábildaev.

Sonymen qatar ol MÁMS júıesi aıasynda reabılıtasııalyq qyzmetterge 3,4 mlrd teńge jumsalǵanyn aıtty.

«Almaty qalasy boıynsha 2020 jyly reabılıtasııa qyzmetine 4,2 mlrd teńge, 2021 jyly – 6,3 mlrd teńge jumsaldy, al 2022 jylǵa – 7,5 mlrd teńge qarastyrylyp otyr. Jyl saıyn reabılıtasııalyq kómek kórsetetin klınıkalar sany da artyp keledi. Mysaly, 2019 jyly Almatyda qormen 4 reabılıtasııa ortalyǵy jumys istegen bolsa, búginde olardyń sany 114-ke jetti», dedi ol.

Aıana Toǵanbek

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar