Aımaqtar • 29 Maýsym, 2022

Zańsyz sýbsıdııalanǵan 95 mln teńge memleketke qaıtarylmaq

28 ret kórsetildi

Almaty oblysynyń aýyl sharýashylyǵy basqarmasynda jalpy somasy 95,2 mln teńgege aýyl sharýashylyǵy taýar óndirýshilerin zańsyz sýbsıdııalaý faktileri anyqtaldy. Bul týraly oblystyq prokýratýra málim etti, dep habarlaıdy Egemen.kz.

«Oblystyq prokýratýra Almaty oblysynyń aýyl sharýashylyǵy basqarmasyn tekserip, jalpy somasy 95,2 mln teńgege aýyl sharýashylyǵy taýar óndirýshilerin zańsyz sýbsıdııalaý faktilerin anyqtady. Sýbsıdııalaý qaǵıdalary boıynsha aýyl sharýashylyǵy taýaryn óndirýshiler ( «QabanbaıAgro» AО́K, «Beskól» AО́K, «KERBULAQAGRO Damýy» AО́K jáne «Bekarys-2» AО́K) sýbsıdııalanǵan qoı tólderin saqtap, azaıýyna jol bermeý talaptaryn oryndamaǵan», dep málimdedi Almaty oblysy prokýratýrasynyń baspasóz qyzmeti.

Vedomstvo ókiliniń málimdeýinshe, prokýratýranyń qadaǵalaý aktisi boıynsha Aýyl sharýashylyq basqarmasy mamandandyrylǵan aýdanaralyq ekonomıkalyq sotyna bıýdjet qarajatyn qaıtarý týraly 3 talap aryz berdi. Alaıda ekonomıkalyq sot talap aryzdardy qanaǵattandyrýsyz qaldyrǵan.

«Osyǵan baılanysty prokýratýra oblystyq sotqa apellıasııalyq ótinish hattar joldady. Oblystyq sot prokýratýranyń qadaǵalaý aktilerin tolyq kólemde qanaǵattandyryp, birinshi satydaǵy sottyń sheshimderiniń kúshi joıyldy. Qazirgi ýaqytta sot oryndaýshylary bıýdjet qarajatyn májbúrli túrde qaıtarý boıynsha shara qoldanyp jatyr», delingen aqparatta.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar