Qoǵam • 29 Maýsym, 2022

О́ndiristegi jazataıym jaǵdaılar azaıyp keledi

19 ret kórsetildi

О́tken jyly eńbek qyzmetine baılanysty jazataıym oqıǵalar kezinde zardap shekkender sany 2133 adamdy qurady, onyń ishinde 389 adam (18,2%) – áıelder. Mundaı derekterdi Ulttyq statıstıka bıýrosy keltirdi, dep habarlaıdy Egemen.kz.

«Zardap shekkenderdiń jalpy sanynan qaza tapqandar sany 176 adamdy qurady, bul 2020 jylǵa qaraǵanda 27 adamǵa az», delingen bıýro aqparatynda.

Bul rette jaraqattanýdyń eń joǵary kórsetkishi Qaraǵandy oblysynda saqtalýda. Onda 2021 jyly 537 jaǵdaı tirkeldi, bul jalpy jaǵdaılardyń 25,2% quraıdy.

Ekinshi orynda Shyǵys Qazaqstan oblysy, onda óndiriste 320 adam jaraqat aldy (jalpy sanynyń 15%).

Toptyq jazataıym oqıǵalarda 240 adam, kásibı aýrýlarǵa baılanysty – 351, ýlanýdan – 47 adam zardap shekti. Sondaı-aq 24 qyzmetker mas kúıinde jaraqat alǵan, esirtkiden mas bolǵan 8 adamnyń jaraqattaný jaǵdaıy tirkelgen. Psıhıkalyq buzylý saldarynan óndiriste 9 adam jaraqat aldy.

Statıstıka derekterine qaraǵanda, óńdeý ónerkásibi - eń qaýipti sala, ótken jyly bul salaǵa jazataıym oqıǵalardyń 26,8%-y keldi.

Ekinshi orynda – taý-ken ónerkásibi, zardap  20,8%-y osy sektorda jumys istedi.

Mertigýdiń eń az sany aýyl, orman jáne balyq sharýashylyǵynyń úlesine keledi, munda jazataıym oqıǵalar kezinde zardap shekkenderdiń úlesi - 2,9%.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar