«Búgingi tańda aksıonerler 18 mlrd teńgeden astam qarajat bóldi. Bıýdjet aqsha bólgen joq jáne bolmaıdy da, óıtkeni bul jeke nysan. Jóndeý jumystary qarqyndy júrip jatyr», dedi Soltústik Qazaqstan oblysynyń ákimi Qumar Aqsaqalov.
Onyń aıtýynsha, qazir 6 qazandyqqa jóndeý jumystary júrgizilýde, olar 1 qyrkúıekke deıin aıaqtalýy tıis. 1 qarashaǵa qaraı qosymsha 3 qazandyqtyń jóndeý jumystary aıaqtalady.
«Iаǵnı, 1 qarashaǵa deıin 9 qazandyq jóndelýi tıis. Jalpy, JEO-da 12 qazandyq bar, onyń ishinde jylý berý maýsymynda 11 qazandyq agregat jumys isteıdi. Qazir qulap ketken qubyrdyń jóndeý jumystary júrip jatyr. О́kinishke qaraı, aýa-raıy jaǵdaılary bul jumysty belsendi júrgizýge kedergi keltiredi», dedi Qumar Aqsaqalov.
Ákim kelesi jyly eki qubyrdyń ornyna bir qubyrdyń qurylysy josparlanǵanyn aıtty: bireýi tótenshe jaǵdaıdan keıin bólshekteledi, al ekinshisi 1962 jyly salynǵandyqtan tolyǵymen alynyp tastalady.
