Ekonomıka • 29 Maýsym, 2022

Benzın qymbattaıdy

26 ret kórsetildi

Qazaqstanda janar-jaǵarmaı baǵasy 2025 jylǵa deıin kezeń-kezeńimen qymbattaıdy. Sonymen birge aldaǵy 180 kún sheńberinde Aı-80, Aı-92, Aı-93 benzıniniń baǵasy bekitilmek.

Energetıka mınıstrliginiń munaı ónimderin bólshek satýdyń shekti baǵasyn belgileý týraly buıryǵyna engizilgen ózgerister jobasy ashyq úkimet portalynda jarııalandy.

Qujatta kórsetilgendeı, 2022 jyldyń shildesinen bastap Qostanaı, Soltústik Qazaqstan oblystarynda Aı-80 benzıniniń baǵasy – lıtrine 89 teńge, Aı-92 benzıni 187 teńge bolmaq.

Nur-Sultan, Almaty, Shymkent qala­larynda jáne Aqmola, Aqtóbe, Shyǵys Qazaqstan, Batys Qazaqstan, Almaty, Atyraý, Jambyl, Qaraǵandy, Qyzylorda, Pavlodar, Túrkistan, Mańǵystaý, sondaı-aq jańadan qurylǵan Abaı, Jetisý, Ulytaý oblystarynda Aı-92 lıtrine 182 teńgeden satylmaq. Dızeldi otyn baǵasy Aqmola, Aqtóbe, Shyǵys Qazaqstan, Batys Qazaqstan, Qostanaı jáne Soltústik Qazaqstan oblystarynda lıtrine 260 teńgeden belgilenedi. Al Nur-Sultan, Almaty, Shymkent qalalarynda jáne ózge oblystardyń barlyǵynda lıtrine 230 teńgeden satylady.

Sondaı-aq jobada janar-jaǵarmaı baǵasy­nyń kezeń-kezeńimen qymbattaıtyny da kórsetilgen.

«Munaı baǵasynyń barreline 130 dollary jaǵdaıynda erejege sáıkes shekti bólshek baǵa bylaı belgilenedi: Aı-92 benzın markasy – 236 teńge/lıtr, dızeldi otyn – 420 teńge/lıtr. Aı-92 baǵasynyń birden 54 teńgege qymbattaýy halyq arasynda jaǵymsyz effekt týdyrýy múmkin ekenin eskere otyryp 2025 jylǵa deıin shekti bólshek baǵany (Aı-92 jáne Aı-93) kezeń-kezeńimen kóterý usynylady», delingen qujat mátininde.

Aıta keteıik, 2025 jyldan EAEO-nyń ortaq munaı ónimderi jáne munaı naryǵynyń qalyptasýy bastalady.

Eske salaıyq, qańtardaǵy dúrbeleńnen keıin 180 kúnge deıin shekti bólshek baǵa bekitilgen edi. Atalǵan tártipke sáıkes maýsymnyń sońyna deıin elde Aı-80 baǵasy – lıtrine 89 teńge, Aı-92 – 182 teńge, Aı-93 baǵasy – 182 teńge, Aı-95 baǵasy – 215 teńge bolyp turady.

Sońǵy jańalyqtar

«Jalynan sıpatpaıtyn» jalaqy

Qoǵam • Búgin, 00:15

Izgiliktiń alǵashqy qadamy

Aımaqtar • Búgin, 00:11

Úsh nysannyń irgetasy qalandy

Aımaqtar • Búgin, 00:10

О́zgermeli álemdegi yntymaqtastyq joly

Saıasat • Búgin, 00:06

Jetinshi sezdiń arqalaǵan júgi qandaı?

Qazaqstan • Búgin, 00:03

Iemende jaǵdaı turaqtalyp keledi

Álem • Búgin, 00:02

«Bir juldyz bolyp qalam men»

Rýhanııat • Keshe

Kenııanyń kóz jasy

Ádebıet • Keshe

Zaýyt súzgileri aýystyryldy

Qazaqstan • Keshe

Arystanmen arbasý

О́ner • Keshe

Uqsas jańalyqtar