Bul tańdaýdyń máni tereńde

Quryltaıdyń Ulytaý óńirin­de ótýi – oblystyń proble­ma­lyq máselelerine nazar aýdaryp, olardy kún tártibine engizýge jol ashty. Oblys mártebesinen aıyrylǵan jıyrma jylda aýmaqtyń ekologııalyq jaǵdaıy nasharlady. О́ńirdi basyp ótetin respýblıkalyq joldar tozyp ketti. Injenerlik kommýnıka­sııa­­lar júıesi eskirdi. Áleýmettik salada problema kóp. Prezıdent Jezqazǵan qalasyna barǵanda oblystaǵy jaǵdaımen muqııat tanysyp, óńirdi damytý jóninde birqatar tapsyrma berdi. Halyqtyń ómir súrý sapasyn jaqsartý, sózsiz, Prezıdenttiń bas­ty nazarynda. Úkimet pen ob­lys basshylyǵyna jol salasyn, ekologııany, bilim berýdi jaq­sartýǵa kúsh salýdy tapsyrdy.

Oblystyń bas jumys berý­shisi – «Qazaqmys» kompa­nııa­sy. Memleket basshysy Qasym-Jomart Toqaev «Qazaq­mys kor­porasııasy» JShS bas­shy­lyǵyna bıznestiń áleýmettik jaýap­kershiligi týraly qatań eskertti. Bıznestiń áleýmettik jaýapkershiligi aıasynda iri mys ónerkásip nysany bıyl aýmaqqa 25,4 mıllıard teńge bólmek. Alaıda Qasym-Jomart Toqaev bul qarajattyń jetkiliksiz ekenin atap kórsetip, ony ulǵaıtýdy usyndy. О́z kezeginde kompanııa basshylyǵy medısınaǵa, bilimge, sportqa erekshe nazar aýdarýǵa ýáde berdi. Mysaly, kelesi jyly Jezqazǵanda balalar sport akademııasy men 200 balaǵa arnalǵan ınternat salý josparlanýda. Kompanııa turǵyn úı qurylysyn jańa standarttar boıynsha bastaýdy josparlap otyr. Jańa ákim Berik Ábdiǵalıdiń málimeti boıynsha, Jezqazǵanda turǵyn úı qorynyń 33 paıyzy eskirgen. Shynynda da, kenshiler qalasynda qıraǵan úıler kóp. Bul máseleni turǵyn úılerdi jańartý baǵdarlamasy aıasynda sheshý josparlanǵan. Onyń aıasynda 2023 jyldyń sońyna deıin 20 turǵyn úı salý kózdelgeni qýantty.

О́ńir úshin ekinshi mańyzdy másele – Ulytaýda Ulttyq qu­ryl­taıdy ótkizý arqyly Mem­leket basshysy myqty «marke­tıng­­tik qadam» jasady. Pre­zı­dent Qazaqstan tarıhyn­daǵy iri oqıǵa quryltaıdy Joshy han ke­se­nesi mańynda ótkizý ar­qy­ly álem­niń nazaryn osy óńirge aýdar­ýdy kózdedi. Tarıhı oryn­­dy kórý úshin otandyq jáne shet­el­dik týrıster aǵylýy múmkin. Endi munda týrızm qarqyndy damı­dy dep oılaımyn.

Ulttyq quryltaı múshesi bolý – men úshin úlken mártebe. Osylaısha, Memleket basshysy kópbalaly analarǵa da senim bildirdi dep sanaımyn.

Lázzat QOJAHMETOVA,

Qaraǵandy oblysy Qoǵamdyq keńesiniń múshesi, «Talbesik kópbalaly analar odaǵy» qoǵamdyq birlestiginiń jetekshisi