Asa jeńil salmaqta óner kórsetip júrgen qandasymyz AQSh-tyń ókili Zaka Makovskımen aıqasady. 39 jastaǵy Pensılvanııa shtatynyń týmasy osy sport túrin serik etkenine 16 jylǵa jýyqtady. Sol aralyqta 31 kezdesý ótkizgen ol 21 ret jeńiske jetti. Segiz básekeni merziminen buryn aıaqtady. 2010 jyly ol Bellator promoýsheninde baq synap, chempıondyq belbeýdi ıelendi. Zak 2013-2016 jyldar aralyǵynda UFC-de aıqasty. Álemniń eń beldi uıymynyń týy astynda jeti ret oktagonǵa shyǵyp, úsh ret basymdyq tanytty. Skott Iorgensen, Djosh Sempo jáne Tım Ellıotty utqan ol Jýsser Formıga, Djozef Benavıdes, Djon Dodson jáne Dastın Ortıske ese jiberdi.
28 jastaǵy Asý Almabaevtyń aralas jekpe-jekpen aınalysyp júrgenine toǵyz jyldan asty. 15 kezdesýiniń ol tek ekeýinde ǵana utyldy. Toǵyz básekede Asý aıqyn basymdyq tanytty.
