Qoǵam • 30 Maýsym, 2022

Bıyl elimizde 9 jańa ushaq satyp alynady

24 ret kórsetildi

Bıyl elimizde 9 áýe kemesin satyp alý josparlanyp otyr, dep habarlaıdy Egemen.kz.

«Bizde ár áýe kompanııanyń ushaq satyp alý boıynsha jospary bar. Soǵan sáıkes 2025 jylǵa deıin 45-ten astam áýe kemesi alynbaq. Mysaly, bıyl «Air Astana» men «FlyArystan» kompanııasy 2 áýe kemesin aldy. 27 maýsymnan bastap «Air Astana» jáne «FlyArystan»-nyń kestesinde jańa aerobýs paıda boldy. Sonymen qatar bıyl jyl sońyna deıin atalǵan 2 áýe kompanııasy taǵy 5 áýe kemesin satyp almaq», dedi QR IIDM Azamattyq avıasııa komıteti tóraǵasynyń orynbasary Saltanat Tompıeva OKQ-te ótken brıfıngte.

Onyń aıtýynsha, bıylǵy jospar boıynsha 9 jańa áýe kemesi satyp alynady. Odan bólek, brıfıng spıkeri áýe jolaýshylaryn jıi tolǵandyratyn reısti keıinge shegerý nemese múldem boldyrmaýǵa qatysty túsinik berdi.

«Belgilengen áýe reısin keıinge qaldyrý - amal qalmaǵan jaǵdaıda qabyldanatyn sheshim. Áýe kompanııalary múmkindiginshe jolaýshylaryn dittegen jerge jetkizgisi keledi. Keıde áýe reısterin 8 nemese 12 saǵatqa deıin keıinge shegerip jatady. Kóbine reısterdi keshiktirý men boldyrmaýdyń sebebi aýa raıynyń qolaısyzdyǵyna baılanysty. Tuman, qatty jel, boran, taǵy sol sııaqty. Áýe reısi keıinge shegerilgen jaǵdaıda kompanııa jolaýshylarǵa tıisti jaǵdaıdy jasaýy tıis. Aıtar bolsaq, basqa áýe reısterin nemese basqa qala arqyly ushyp barýdy usyný sekildi. Eger jolaýshy tolyq qunyn tolyq qaıtarýdy talap etse, onda talap 100 paıyzǵa oryndalýy tıis», deıdi «SCAT» AQ turaqty keste boıynsha kommersııalyq keshen dırektory Nıkolaı Býrıakov.

Sońǵy jańalyqtar

«Bir juldyz bolyp qalam men»

Rýhanııat • Keshe

Kenııanyń kóz jasy

Ádebıet • Keshe

Zaýyt súzgileri aýystyryldy

Qazaqstan • Keshe

Arystanmen arbasý

О́ner • Keshe

Dollar qymbattady

Ekonomıka • Keshe

Uqsas jańalyqtar