Ekonomıka • 30 Maýsym, 2022

Kólikqumarlarǵa arnaldy

48 ret kórsetildi

Elordada Automechanika Astana 2022 halyqaralyq kórmesi ótti. Onda avtokólikterge tehnıkalyq qyzmet kórsetýge arnalǵan qosalqy bólshekter, avtoquramdaýyshtar, jabdyqtar men taýarlar usynyldy.

Automechanika Astana – jańa talap­tarǵa sáıkes keletin sheteldik serik­­testerdi izdeýge arnalǵan alań. Kór­me Ortalyq Azııadaǵy avto­mo­­bıl ónerkásibi, dılerlik or­ta­­lyq­tar, qyzmet kórsetý jáne jón­­deý segmentteriniń ókilderi ara­­­­synda netvorkıng jáne jańa bız­­­nes-she­shimderdi tabý úshin ne­giz­­­gi platforma sanalady. On­da av­to­k­ólikterdiń satylymnan keı̆in­gi qyz­­met kórsetýi úshin qosal­qy ból­shek­­terden bastap kerek-jaraqt­ar­ǵa deı̆in qajetti dúnıeniń bári usynylady.

Bul jolǵy kórmege Qazaqstan, Reseı̆, Italııa, Polsha, Qytaı̆, Japonııa jáne basqa da elderdiń kompanııalary qatysqanyn atap ótý kerek. Ásirese kelýshilerdi Phaeton, Karcher, Meiji Sangyo Company, Truck Motors jáne Varta kompanııalarynyń stendteri baýrap aldy.

Is-sharanyń bas demeýshisi bolǵan qazaqstandyq Phaeton dıstrıbıýtorlyq kompanııasynyń ekspozısııasynda qonaqtar jańa Winkod brendine, sondaı-aq febi, Zacks, Bosch sııaqty tanymal markalarmen shyǵarylatyn ónim úl­gilerine nazar aýdardy. Kelý­shi­ler Wewatt batareıalaryn, Teta antı­frızderin jáne basqa avtomo­bıl komponentterin kórip, tanysty.

Karcher tehnıkalyq quraldar men materıaldardyń barlyq túrin usyndy. Kompanııanyń kópshilik­pen bóliser qyzyqty jańalyqtar­dy da bar eken. Atap aıtqanda, áınek jýýǵa arnalǵan jınaq, elektr generatory, lıtıı akkýmýlıator­larymen ju­mys isteıtin eden jýý mashınasy, benzın qozǵaltqy­shy bar jý­ǵysh mashına jáne avto­mo­bıl áınek­terindegi muzdy ketirýge ar­nalǵan mehanıkalyq qol qurylǵysy jurtshylyqqa usynyldy. Ásirese qurǵaq muzdy tazartý qondyrǵysyn kópshilik jaqsy qabyldady. Onyń kómegimen áınekti elektrondy shemalarǵa zaqym keltirmeı tazalaýǵa bolady.

Meito Sangyo Company kompanııasy 30-ǵa jýyq japon brendin usyndy. Olardyń birazy Qazaqstanda keńinen tanymal. Mysaly, bizdiń elde Akebono, Bando, Tokico brendterimen jaqsy ónimder usynylǵan. Tórt jyl buryn naryqqa ProFix Motor maılary kirdi. О́ndirýshi bul maılar joǵary júktememen jaqsy jumys isteıtinin aıtyp otyr. Ázirge jeli jeńil avtokólikterge arnalǵan. Kóp uzamaı júk mashınalaryna arnalǵan maılar paıda bolmaq.

Kommersııalyq kólikke ar­nalǵan qosalqy bólshekterdi TruckMotors kompanııasy usyndy. Kompanııa otandyq naryqta 20 jyldan astam ýaqyt jumys isteıdi. Febi, Andac, Diesel Technic, Tora sekildi jetkizýshiler áriptestik baılanys ornatqan.

Jalpy, bıylǵy kórmeniń erek­sheligi – iskerlik belsen­dilikke, baılanystardy keńeıtýge jáne sheteldik áriptestermen kelisimder jasasýǵa basa nazar aýdarylǵandyǵynda. Kompa­nııalardyń ókilderi kórme jyldan-jylǵa qyzyqty bolyp kele jatqanyn atap ótti.

Sońǵy jańalyqtar

Uqsas jańalyqtar