Atalǵan báseke bıyl ekinshi márte uıymdastyrylyp otyr. Tarbaǵataı aýdanynyń ortalyǵyndaǵy boz kilem básekesine 9 memlekettiń atynan 45 palýan qatysty. О́tken jyly respýblıkalyq deńgeıde ótken dodaǵy bıyl Armenııa, Grýzııa, Reseı, О́zbekstan, Tájikstan, Qyrǵyzstan, Mońǵolııa, Qytaı jáne elimizdiń eń úzdik kilem sheberleri qatysty. Osynyń arqasynda ol óziniń halyqaralyq dáreje ataǵyn aqtady. Týrnırdiń ashylý saltanatyna Shyǵys Qazaqstan oblysynyń ákimi Berdibek Saparbaev, halyqaralyq qazaq kúresi federasııasynyń prezıdenti Serik Tókeev, FILA halyqaralyq kúres túrleri qaýymdastyǵynyń komıtet tóraǵasy Gıntaýtas Vıleıta jáne taǵy basqa sport janashyrlary qatysyp, atletterge tabys tiledi.
Jarystyń túıe balýan úshin bolǵan túıindi bóliginiń aqtyq aıqasyna Shyǵys Qazaqstan oblysynyń eki tarlany – Aıbek Nuǵymarov pen Muhıt Tursynov shyqty. Bir-biriniń syryna jetik palýandar belgilengen ýaqytta búk upaıdan enshilep, teń tústi. Beldesý nátıjesinde Aıbektiń alapaty asyp, bas júlde - 10 myń AQSh dollaryna ıe boldy. (Materıaldyń tolyq nusqasyn gazetimizdiń aldaǵy sanynan oqı alasyzdar).
Dýman Anash.
Derekkóz: Egemen.kz. Foto: Egemen.kz.
