Alǵashqy aınalymda majarstandyq Marton Fýchovıchtiń tas-talqanyn shyǵarǵan jerlesimiz ekinshi kezeńde Dýshan Laıovıchpen kúsh synasty. 31 jastaǵy Serbııanyń sańlaǵy bul kúnderi ATR reıtınginde 64-orynda tur. Byltyr ol Aýstralııanyń ashyq birinshiliginiń tórtinshi kezeńine deıin jetken. Negizi Laıovıch «Ýımbldonda» top jarýdy kópten beri armandap júrgen edi. Buǵan deıin de sol maqsatyna qol jetkizý úshin birneshe márte áreket jasap kórdi. Biraq ázirge asyǵy alshysynan túser emes. Bul joly da dáp solaı boldy. Tusaýkeser kezdesýinde Dýshan Ispanııanyń asa myqty tennısshisi Pablo Karreno-Býstadan basym túskenimen, kelesi aınalymda bizdiń Býblıkke ese jiberdi. Esep – 6:7, 2:6, 5:7.
Úshinshi kezeńde Aleksandr Býblık álemniń 28-raketkasy Frensıs Tıafomen sheberlik baıqasady. Alashqy aınalymdarda AQSh-tyń ókili ıtalııalyq Andrea Vavassorı men germanııalyq Maksımılıan Martererdi jeńdi.
