Palýan Gúzel Manıýrova Azııanyń chempıony atandy

ASTANA. 26 sáýir. Qazirgi kúnderi Astanada ótip jatqan kúresten Azııa chempıonatynda 75 kıloǵa deıingi salmaqta Qazaqstannyń áıelder quramasynyń bas jattyqtyrýshysy, London Olımpıadasynyń qola júldegeri Gúzel Manıýrova altyn medaldy jeńip aldy. Bul týraly egemen.kz tilshisi habarlady. Osymen Manıýrova qurlyqtyń tórtinshi márte chempıony atanyp otyr. О́z salmaǵynda Astana kileminde Gúzelge shaq keletin qarsylas bolǵan joq. Ol birinshi aınalymda ózbek Gúlmıra Ismatovany ońaı utty. Al jartylaı fınalda úndistandyq Djoıtı Djoıtıden aılasy men kúshin asyra bildi. Fınaldyq aıqasty qytaı Feng Chjoýmen ótkizgen bizdiń palýanymyz taǵy da basymdyq tanytty. Buǵan deıin G.Manıýrovanyń 2010, 2011 jáne 2012 jyldary Azııanyń chempıony bolǵanyn da aıta keteıik. Osymen qurlyq chempıonatyndaǵy áıelder kúresi de márege jetti. Jarystyń birinshi kúni 48 kılodaǵy Tatıana Amanjol altyn medal alǵan edi. Kelesi kúni Ekaterına Larıonova, Aıym Ábdildına jáne Elmıra Syzdyqova qola medalderge qol jetkizdi. Áıelder arasyndaǵy jarysta 3 altyn medali bar Japonııa quramasy birinshi oryn alsa, ekinshi orynǵa Qytaı, al úshinshi orynǵa Qazaqstan komandalary ornalasty. Chempıonat 27 sáýir kúni aıaqtalady. Damır Qojamqul. Derekkóz: egemen.kz. Foto: Vesti.kz.