Bas qalada ótken aksııada «Altyn dombyra» óner ortalyǵynyń shákirtteri «Erke sylqym», «Adaı», «Balbyraýyn», «Áke tolǵaýy» sııaqty shyǵarmalardy oryndady. Sondaı-aq óner ortalyǵynyń jetekshisi Ibragım Eskendir jas dombyrashylarmen birge «Kók týdyń jelbiregeni» kompozısııasyn akapella túrinde aıtty.
Shara barysynda uıymdastyrýshylar «Qasıetti dombyra» atty aýqymdy baıqaý bastaý alatynyn aıtty.
«Bul aksııa halyq arasynda ulttyq mádenıetimizdiń bir bóligi bolyp sanalatyn kóne mýzykalyq aspapty nasıhattaýǵa baǵyttalǵan. Dombyra – urpaqtan-urpaqqa beriletin, qazaq mádenı murasynyń ajyramas bóligi. Osy alańdy paıdalana otyryp, biz «Qasıetti dombyra» respýblıkalyq baıqaýynyń bastalǵanyn jarııalaımyz», dep atap ótti partııanyń jastar qanatynyń tóraǵasy Nurjan Jetpisbaev.
Baıqaý 10-15 jas aralyǵyndaǵy jasóspirimder men 16-35 jas aralyǵyndaǵy jastar arasynda ótedi. Ol ótinimderdi qabyldaý, oflaın tyńdaý jáne fınal bolyp úsh kezeńnen turady. О́tinimder 31 shildege deıin qabyldanady.
Baıqaý týraly tolyq aqparatty jastar uıymynyń áleýmettik jelilerdegi resmı paraqshalarynan taba alasyzdar.
