Qazaqstan • 02 Shilde, 2022

Qazaqstan-Lıýksembýrg dıplomatııalyq qatynasyna 30 jyl toldy

30 ret kórsetildi

2022 jylǵy 29 maýsymda Qazaqstan Respýblıkasy men Lıýksembýrg Uly Gersogtigi ekijaqty qarym-qatynastardyń mańyzdy sımvoldyq kúni – eki el arasyndaǵy dıplomatııalyq qatynastardyń ornaǵanyna 30 jyl tolýyn atap ótýde, dep habarlaıdy Egemen.kz.

О́tken úsh onjyldyqta Nur-Sultan men Lıýksembýrg arasynda ózara qurmetke, senimge jáne ózara tıimdi yntymaqtastyqqa negizdelgen berik te syndarly qatynas ornady. Osynaý áriptestik zań ústemdigi, beıbitshilikke járdemdesý, adam quqyqtaryn qorǵaý jáne demokratııalyq ınstıtýttardy nyǵaıtý sııaqty ortaq qundylyqtar men qaǵıdattarǵa negizdeldi.

Lıýksembýrg Premer-Mınıstri Ksave Bettel myrzanyń 2015 jáne 2017 jyldary Qazaqstanǵa jasaǵan saparlaryn qosa alǵandaǵy osy kezeń ishinde ótkizilgen saıası kezdesýler ózekti halyqaralyq máseleler boıynsha yntymaqtastyqty nyǵaıtý men keńeıtýge jáne ustanymdardy úılestirýge ekijaqty formatta da, kópjaqty forýmdarda da eleýli dárejede yqpal etti.

Qazaqstan men Lıýksembýrg parlamentterinde qurylǵan «dostyq toptary» ekijaqty seriktestikte mańyzdy rólge ıe. Parlamentaralyq dıalog pen saparlar ekijaqty jáne kópjaqty, onyń ishinde EQYU Parlamenttik assambleıasy qyzmeti sheńberindegi, sondaı-aq «Qazaqstan – Eýropa keńesiniń parlamenttik assambleıasy» formatyndaǵy yntymaqtastyqty nyǵaıtty.

Qazaqstan men Lıýksembýrg arasyndaǵy baılanystardyń keńeıýi saýda jáne ınvestısııalyq múmkindikterdiń, sondaı-aq ǵylymı-tehnıkalyq áriptestiktiń odan ári ósýine yqpal etedi. Qazaqstandaǵy «Benılıýks» saýda palatasy men qurmetti konsýldar ınstıtýtynyń qyzmeti ekonomıkalyq yntymaqtastyqty arttyrý men zamanýı ózekti máselelerdi sheshýge baǵyttalǵan. Taraptar Lıýksembýrg álemdik kóshbasshylardyń biri bolyp tanylatyn qarjy, joǵary tehnologııalar, ǵarysh ónerkásibi, sıfrlandyrý salalaryndaǵy ekonomıkalyq yntymaqtastyqqa, sondaı-aq turaqty jáne «jasyl» damý salasyndaǵy yntymaqtastyqqa basa nazar aýdarady.

Taraptar qos memlekettiń mádenı jáne bilim berýdegi baılanystaryn keńeıtý úshin eleýli kúsh-jiger jumsaýda. 2020 jyly Lıýksembýrgte qazaq halqynyń oıshyly, uly aqyn Abaıdyń 175 jyldyǵyna arnalǵan is-sharalar ótti.

Búginde dıplomatııalyq qatynastardyń 30 jyldyǵyn atap ótý aıasynda taraptar senimdi dıalog pen áriptestik rýhyn nyǵaıtýǵa bar kúsh-jigerin salýǵa nıetti.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar