Rýhanııat • 03 Shilde, 2022

Dombyrany dáriptedi

28 ret kórsetildi

Qazaqstannyń jastary men balalarynyń arasynda dombyraǵa qyzyqpaıtyny kemde-kem. Jyl saıyn myńdaǵan bala osy dás­túrli halyqtyq mýzykalyq aspapta oınaı­dy.

Zertteýshilerdiń aıtýynsha, mýzykalyq aspapta oınaý – qoldyń usaq motorıkasyn bel­sendirýge yqpal etip qana qoımaı, balalar­dyń jan-jaqty damýyna jaǵymdy áser etedi. Osyǵan oraı Ulttyq dombyra kúnine oraı Aqparat jáne qoǵamdyq damý mınıs­tr­liginiń Jastar jáne otbasy isteri komıteti Nur-Sultan qalasynyń Oqýshylar saraıymen birigip, ata-analardyń ótinishi boıynsha «Jan­uıa» áleýmettik ońaltý ortalyǵyndaǵy aýyr dıagnozy bar balalarǵa qaıyrymdylyq kon­sertin uıymdastyrdy. Konsertten keıin ata-analardyń kómegimen balalar qoldaryna dombyra ustap, ulttyq aspappen tanysty. Bola­shaqta mesenattardyń qoldaýymen mundaı is-sharalardy turaqty túrde ótkizý josparlanýda.

Sonymen qatar atalǵan merekege baılanys­ty jastar men balalardyń qa­tysýymen Qazaq­stan­da dástúrli mýzykalyq shy­ǵarmalar men as­­pap­tyń ózin dáripteıtin júzdegen is-shara uıym­dastyryldy. Osylaısha, jastar uıym­darynyń, jastar resýrstyq ortalyqtarynyń qatysýymen chellendjder ótti. Onda Qurmanǵazy, Táttimbet, Dına Nurpeıisovanyń kúıleri oryndaldy. Atap aıtqanda, bul kúnderi dombyra tartatyn myńnan astam jas pen bala júzden astam

chelendjge qatysyp, dombyranyń dańqyn arttyrdy dese bolady.

Sońǵy jańalyqtar

Uqsas jańalyqtar