Prezıdent • 04 Shilde, 2022

Memleket basshysy Erlan Qoshanovty qabyldady

24 ret kórsetildi

Bul týraly Aqordanyń resmı saıty málim etti, dep habarlaıdy Egemen.kz.

Prezıdentke Májilistiń VII shaqyrylymynyń ekinshi sessııasynda atqarylǵan zań shyǵarý jumystary týraly málimet berildi. Parlamenttiń tómengi palatasynyń spıkeri qabyldanǵan birqatar zańnyń Memleket basshysy usynǵan reformalardy zańnamalyq turǵydan qamtamasyz etýge baǵyttalǵanyn atap ótti. 

Erlan Qoshanovtyń aıtýynsha, qazirgi ýaqytta depýtattar halyqpen kezdesýler ótkizip, jergilikti jerlerdegi ahýalmen tanysý úshin óńirlerge attanǵan. Olar azamattardyń kótergen mańyzdy degen problemalaryn zerttep, júıeleıdi. Sodan keıin Úkimetpen birlesip bul máselelerdi sheshedi.

Májilis tóraǵasy Prezıdentke Parlamenttiń tómengi palatasy jumysynyń jańa formaty, sonyń ishinde Qoǵamdyq palata qurý jóninde aıtty.

Budan bólek Erlan Qoshanov Qasym-Jomart Toqaevqa «AMANAT» partııasynyń qoǵamdaǵy áleýmettik ádildikti qamtamasyz etýge jáne azamattardyń ál-aýqatyn arttyrýǵa baǵyttalǵan jumystary týraly baıandady. «Jer amanaty» jobasy aıasynda paıdalanylmaıtyn jáne aýyl sharýashylyǵy maqsatyndaǵy zańsyz berilgen jerlerdi memleket menshigine qaıtarý jumystary júrgizilip jatyr.

Partııa Úkimetpen birlesip, «Aýyl amanaty» jobasyn júzege asyrýda. Aýyl turǵyndary bólshek saýda jelisiniń talaptary men tutynýshylardyń suranysyn eskere otyryp, aýyl sharýashylyǵy ónimderin óndirý jónindegi jańa quzyretterdi úırenedi. Osy rette turǵyndar sany 7,7 mıllıon adam bolatyn 2400 aýyldyq okrýgti qamtý josparlanyp otyr.

Májilis tóraǵasy Memleket basshysyna 23-24 maýsym aralyǵynda Sholpan-Ata qalasynda ótken Túrki tildes memleketterdiń Parlamenttik Assambleıasynyń XI plenarlyq otyrysyna qatysqan Qazaqstan delegasııasy jumysynyń qorytyndysy týraly baıandady.

Sońǵy jańalyqtar

Áýezov jáne túrki álemi

Rýhanııat • Keshe

Áskerdegi álimjettik

Qoǵam • Keshe

Ideologııa

Rýhanııat • Keshe

Meıirim men qatygezdik

Rýhanııat • Keshe

Eski men jańa arasy

Rýhanııat • Keshe

Bı padıshasy

Rýhanııat • Keshe

Sapa qaıtse jaqsarady?

Qazaqstan • Keshe

Qaıyrymdylyqtyń úlgisi

Qazaqstan • Keshe

Saq dáýiriniń tasy

Tanym • Keshe

Uqsas jańalyqtar