Qaýly boıynsha qalanyń aýdan ákimderi, memlekettik organdar, qalalyq kásipkerler palatasy (kelisimi boıynsha), quqyq qorǵaý jáne arnaıy organdar, mekemelerdiń basshylary, jeke jáne zańdy tulǵalar:
Bas memlekettik sanıtarııalyq dárigerdiń №16 qaýlysyn iske asyrýdy jalǵastyrý, árbir 6 aı saıyn KVI-ǵa qarsy vaksınasııa, revaksınasııa qajettiligi týraly halyqqa belsendi túsindirý jumystaryn júrgizý, vaksınaǵa absolıýtti qarsy kórsetilimi bar qyzmetkerler men júkti áıelderdi qashyqtan jumys nysanyna aýystyrý, KVI-men aýyratyn adammen jaqyn baılanysta bolǵan adamdardy qashyqtan jumys nysanyna aýystyrý;
Úı-jaılardy jeldete otyryp, ventılıasııa men aýany baptaý júıelerin tekserýdi qamtamasyz etýleri tıis.
Sondaı-aq halyq kóp jınalatyn jabyq úı-jaılarda (SOO, saýda úıleri, jabyq bazarlar, HQKO, bankter, kınoteatrlar, teatrlar, sırkter, konsert zaldary, avtovokzaldar, kórermenderi bar sporttyq sharalar, konferensııalar) tamaq ishý kezinde, 5 jasqa deıingi balalardy qospaǵanda, qoǵamdyq kólikte, metroda jol júrý, halyqaralyq jolaýshylar tasymaly kezinde maska kııýdi usynýlary tıis.
Al qalalyq qoǵamdyq densaýlyq saqtaý basqarmasy KVI-men aýyrǵan adammen jaqyn baılanysta bolǵan adamdardy qashyqtan jumys isteýge jáne ambýlatorııalyq baqylaýǵa aýystyrýdy, 7 kún ishinde BMSKK jáne telemedısına ortalyǵy deńgeıinde aýyrlyǵy jeńil jáne asımptomatıkalyq pasıentterdi ambýlatorııalyq baqylaýdy qamtamasyz etýi tıis.
Qaýly 7 shilde, saǵat 00.00-den bastap kúshine enedi.
