ASTANA. 28 sáýir. Astana respýblıka bıýdjetine 2015 jyldan bastap 7,5 mlrd. teńge qarjy aýdarady. Al 2016 jyly bul qarjynyń kólemi 17,3 mlrd. teńgege deıin ulǵaıady. Memleket basshysy Nursultan Nazarbaevtyń tóraǵalyǵymen ótken elordany odan ári damytý máselelerine baılanysty alqaly jıynda Astana qalasynyń ákimi Imanǵalı Tasmaǵambetov osylaı dedi. Bul týraly egemen.kz tilshisi habarlady.
Keńeste Memleket basshysy aldymyzda Astanany halyqtyń ómir súrýine meıilinshe qolaıly ári tartymdy qalalardyń qataryna engizý mindeti turǵanyn, sondaı-aq, ónerkásip óniminiń kólemi 7 paıyzǵa, ıaǵnı, 260 mıllıard teńgege kóbeıgenin, ekonomıka salsyna 545 mıllıard teńge ınvestısııa salynǵanyn aıta kele: «Shaǵyn jáne orta bıznes damyp keledi, onyń úlesi óńirlik jalpy ónimniń 40 paıyzyna jetti. О́ziniń biregeı nysandary arqasynda qala iri mádenı, sporttyq, saýda jáne týrıstik ortalyqqa aınaldy. Munda kelgen týrısterdiń sany alǵash ret 1 mıllıonnan asqany osyǵan dálel, olardyń 100 myńy sheteldik azamattar», – dedi.
Sonymen qatar, Astanadan el bıýdjetine quıylatyn qarjy kóleminiń sońǵy 5 jylda eki ese kóbeıip, 60 mıllıard teńgeden asqanyn málimdegen Prezıdent: «О́ndirilgen ónimder kólemin, aktıvterdiń qunyn eskere kelgende, Astana memleket tarapynan jumsalǵan shyǵyndy qazirdiń ózinde aqtady. Biz Qazaqstannyń ulttyq baılyǵyna damýyn jalǵastyryp jatqan tutastaı bir qalany qostyq», – dedi.
Memleket basshysy aıtqandaı, álemde qalalar túrlishe baǵalanady: turmys sapasy, ómir súrýge qajetti jaǵdaı jáne básekege qabilettilik ındeksi sekildi túrl ındekster bar. Biz sondaı reıtıngtik ólshemderdi jaqsartýǵa umtylýǵa tıispiz.
О́z kezeginde Astana qalasynyń ákimi Imanǵalı Tasmaǵambetov 2008 jyldan beri Memleket basshysy tarapynan berilgen 323 hattamalyq tapsyrmanyń 243-i oryndalǵanyn, onyń 80-i júzege asyrylý ústinde ekenin, 38-i Úkimetpen birlese iske asyrylyp jatqanyn baıandady.
Qala ákiminiń sózine qaraǵanda, 2013 jyly jalpy, óńirlik ónimniń kólemi 2,7 trıllıon teńgege jetken. Al ónerkásip ónimi 6,7 paıyzǵa artyp, 263,2 mln. teńgeni quraǵan.
Imanǵalı Tasmaǵambetov Astanada shaǵyn jáne orta bıznestiń damýy jaqsy deńgeıge kóterilgenin, bul sala boıynsha 1 trıllıon 200 myń teńgeniń ónimi óndirilgenin óz sózine arqaý ete otyryp: «Kelesi jyldan bastap elorda respýblıkalyq bıýdjetke 7,5 mıllıard teńge, al 2016 jyldan bastap 17,3 mıllıard teńge qarjy aýdaratyn bolady. Iаǵnı, Astana qalasy respýblıkalyq bıýdjettiń donory bolyp sanalatyn aldyńǵy qatarly 4 óńirdiń quramyna kiredi», – dedi.
Sondaı-aq, Astana qalasynyń ákimi keńeste Indýstrııalyq parktiń qosyp otyrǵan úlesine keńinen toqtaldy. Buǵan qosa, ol azyq-túlik, áleýmettik nysandar, paıdalanylýǵa berilgen turǵyn úıler, qalaishilik jolaýshylar tasymaly, jol jóndeý jumystary, demalys oryndary, jańadan salynǵaly otyrǵan qurylystar jáne elordaǵa ınvestısııa tartý máselelerine qatysty jaǵdaıattardy baıandady.
Memleket basshysy jıyn sońynda: «Astana qalasynyń aldyna asa joǵary mindet – 2050 jyly álemdegi eń damyǵan 10 qalanyń quramyna kirý mindeti qoıylyp otyr», – dedi.
Joldybaı Bazar.
Derekkóz: egemen.kz.
Foto: Uvp.kz.
