Úkimet • 05 Shilde, 2022

Mınıstr turǵyn úıdi paıdalanýǵa berý qarqyny tómen óńirlerdi atady

9 ret kórsetildi

Úkimet otyrysynda QR Indýstrııa jáne ınfraqurylymdyq damý mınıstri Qaıyrbek О́skenbaev turǵyn úı berý qarqynyn baıaýlatqan óńirlerdi atady, dep habarlaıdy Egemen.kz.

«Jyldyń 5 aıyndaǵy qorytyndy boıynsha turǵyn úıdi paıdalanýǵa berý kólemi 103,4% jáne turǵyn úı qurylysyna ınvestısııa 122,8% oryndaldy. 38 myń turǵyn úı paıdalanýǵa engizildi», degen vedomstvo basshysy jalpy respýblıkalyq kórsetkishke qol jetkizý úshin óńirlerge tıisti jospar joldanǵanyn aıtty.

«Ol jospardyń oryndalýyn qamtamasyz etý úshin ákimdikter naqty nysandar men olardy iske asyrý merzimi kórsetilgen jol kartasyn bekitti. Sonymen birge 5 aıdyń qorytyndysy boıynsha elimizdiń 3 óńirinde ótken jylmen salystyrǵanda turǵyn úıdi paıdalanýǵa berý kórsetkishiniń tómendegeni baıqalady. Bul – Mańǵystaý (84,4%), Pavlodar (90,7%) jáne Soltústik Qazaqstan (94%) oblystary. Atalǵan oblystarda ákimdikterge turǵyn úı nysandaryndaǵy qurylys jumysyn jandandyrý qajettigin atap ótemin», dedi Qaıyrbek О́skenbaev.

Sońǵy jańalyqtar

Uqsas jańalyqtar