Shymkentte ushaq apatyna qatysty dıspetcher 6 jylǵa sottaldy

ShYMKENT. 28 sáýir. Shymkent qalasy Abaı aýdandyq soty 2012 jyly 25 jeltoqsanda «An-72» áskerı ushaǵynyń apatqa ushyraýyna áýe dıspetcheri Qanat Aqylbekovti aıypty dep tapty. Bul týraly Today.kz habarlady. «Kazaeronavıgasııa» kompanııasy Shymkent fılıalynyń burynǵy qyzmetkeri Q.Aqylbekov Qylmystyq kodekstiń «Abaısyzda eki nemese odan da kóp adamnyń ólimine soqtyrǵan áýe kóligi qozǵalysy qaýipsizdigi erejelerin buzý» baby negizinde jaýapker dep uıǵarylǵan. Isti qaraǵan sýdıa Saıdbattal Toqbergenov aıyptalýshyǵa jazasyn 6 jyl qonystandyrý kolonııasynda óteýine úkim shyǵardy. Sondaı-aq, sýdıa oǵan 3 jyl áýe dıspetcheri jumysyn atqarýǵa toqtam saldy. Esterińize sala keteıik, 2012 jyldyń 25 jeltoqsanynda Shymkent qalasy mańynda «An-72» ushaǵy qulap, borttaǵy 27 adam túgel qaza tapqan. Marqumdardyń jeteýi ekıpaj músheleri bolsa, jıyrmasy áskerı qyzmetker edi. Joldybaı Bazar. Derekkóz: Today.kz. Foto: Nur.kz.