Qoǵam • 06 Shilde, 2022

Utqanymyz shamaly bolyp tur

68 ret kórsetildi

Jasym 82-de. Aıtaıyn degenim,  Ońtústik aımaqtarda Muhammed (s.ǵ.s) aıtqan «Saýaptyń eń úlkeni meshit, medrese salǵan» dep meshit pen medrese qurylysyn aıaqtaý úshin aqsha suraǵan, demeýshilik ótingen surampazdar kóbeıip ketti.

Al qoldaý joqtyń qasy. Narazylar kóp. Táýelsizdik alǵan 30 jylda birneshe myńdaǵan meshit pen ondaǵan medrese salyndy. Nátıjesi qandaı?  Ne uttyq? Urpaq tárbıesinde ilgerileý bar ma? Qyz anasymen, kelin enesimen, ul ákesimen tatý ma? Neke turaqtylyǵy nyǵaıdy ma? Nashaqorlar azaıdy ma? О́zine-ózi qol salý toqtady ma? Urlaý, jymqyrý, sybaılastyq azaıdy ma? Bir-birimizdi  aldaýymyz kemidi me? О́kinishke qaraı, joq demeske lajymyz joq. Ýahabıster men salafıtterdiń kóbeıgeni de belgili.

Qaı sózdi kóbirek aıtsań, sonyń qadiri ketedi degen bar. «Allaǵa aýyz jol emesti» aıtqan Abaı. Ár apta saıyn «Qasıetti juma» deı bergennen jumanyń qasıeti arta ma? Halal degen sózdi qospaǵan jerimiz qalmady. Adaldyq jolyndamyz ba? Bireýler sózin, ózin, zatyn, qyzmetin ótkizý úshin orazasyn, musylmandyǵyn, qajyǵa baryp kelgenin alǵa tartady. Qyzylorda oblystyq ekologııa departamentiniń mańdaıshasyna «Adaldyq alańy» dep jazyp qoıypty. Bul mekeme, shyn máninde, sondaı ma?..

Bizdegi meshitter men medreselerdiń paıdasy sol, myńdaǵan ımam men molda jumyspen qamtylyp otyr. Janazada, qudaıy sadaqada ımamdar durys ýaǵyz aıta almaıdy. Eńbek et, kásip qyl demeıdi. Eńbekti nasıhattaıtyn birde-bir tálimdi áńgime aıtqandaryn estimedim. Olar Qudaımen, ólimmen qorqytady.

Meshitke baryp namaz oqýyn eshýaqytta qaza etpeıtinder qata­rynda otbasynda birneshe balasy bolsa da, esh jerde jumys iste­meı­tinder, bireýdiń aqshasyn qaryzǵa dep alyp, birneshe jyldap qaıtarmaı júrgender bar... Aıta berse, áńgime kóp. Qoǵamdyq damý basqarmalary meshittermen, ımamdarmen jumys isteý baǵdar­lama­laryn ózgertýleri kerek.

Jańa Qazaqstan qurýdaǵy bir baǵdarlama osy aıtylǵandarǵa qatysty bolýy qajet degen oıdamyn.

 

Sápen AŃSAT,

eńbek ardageri

 

QYZYLORDA

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar